Gliese 623 (GJ 623 / LHS 417 / HIP 80346)GJ 623 -- Spectroscopic binary (SIMBAD)Gliese 623 (ARICNS) ye una estrella asitiada na constelación d'Hércules. Tien magnitú aparente +10,27 y nun ye visible a simple vista. Alcuéntrase a 26,2 años lluz del Sistema Solar.
Gliese 623 ye un sistema binariu compuestu por dos nanes coloraes. La componente principal, Gliese 623 A, ye de tipu espectral M3V y tien una temperatura superficial de 3390 K. La so lluminosidá equival al 0,02% de la que tien el Sol y tien una masa de 0,371 ± 0,015 mases solares. La so velocidá de rotación proyeutada ye igual o inferior a 2,9 km/s. Pela so parte, la estrella acompañante, Gliese 623 B, ye una nana colorada bien tenue, que la so lluminosidá ye 60.000 vegaes inferior a la solar. La so masa apenes supón un 11,5 ± 0,23% de la que tien el Sol. El Telescopiu espacial Hubble dexó llograr una imaxe direuta d'esta estrella, considerada una de les más pequeñes de nuesa galaxa.Gliese 623b: One of the Smallest Stars in the Universe (Hubblesite)
El periodu orbital del sistema ye de 1365,6 díes y la separación media ente les dos estrelles ye de 1,89 UA. Créese que la metalicidá del sistema ye baxa; coles mesmes, la so velocidá al traviés del espaciu concuerda cola d'una vieya estrella de discu, lo cual lleva implícitu una metalicidá inferior a la solar. Les estrelles conocíes más cercanes a esti sistema son GJ 3991 y Gliese 625, a 4,7 y 5,4 años lluz respeutivamente.Stars within 15 light-years of Catalogue Astrographique +48°1595-89 (The Internet Stellar Database)
Referencies
Categoría:Estrelles Categoría:Nanes coloraes Categoría:Estrelles binaries Categoría:Constelación d'Hércules