GR Virginis (GR Vir / HD 129903 / HIP 72138)GR Virginis (SIMBAD) ye una estrella variable na constelación de Virgu asitiada a 1,25º de Rijl al Awwa (μ Virginis), cuasi na llende con Llibra. Afayóse por Strohmeier et al. en 1965 y independientemente por Harris en 1979. Alcuéntrase a 173 años lluz de distancia del Sistema Solar.
GR Virginis ye una binaria de contautu, esto ye, los sos componentes tán tan cerca ente sigo qu'esiste tresferencia de masa y comparten les capes esteriores («binaria de sobrecontautu»). GR Virginis tien amás un altu grau de sobrecontautu (78,6%). Ye una binaria eclipsante del tipu W Ursae Majoris, bazcuyando'l so rellumu ente magnitú +7,80 y +8,25 nun periodu de 0,4198 díes.GR Virginis (General Catalogue of Variable Stars) Dientro d'esta clase de variables pertenez al subtipo-A. El so periodu mengua a razón d'a razón de 4,32 × 10−7 díes per añu. Esti amenorgamientu va faer que los lóbulos de Roche críticos interiores y esteriores vaigan amenorgándose, faciendo que la capa esterior compartida seya cada vegada más fonda, pa finalmente formar una única estrella con una gran velocidá de rotación.
El tipu espectral de GR Virginis ye G0V.GR Virginis (The Bright Star Catalogue) Ye una de les variables W Ursae Majoris onde la rellación ente les mases de dambes componentes ye menor (q = 0,122). Les mases respeutives son 1,36 y 0,17 vegaes la masa solar y los radios 1,42 y 0,61 vegaes el radiu solar.
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación de Virgu