GY Andromedae (GY And / HD 9996 / HR 465) ye una estrella variable na constelación d'Andrómeda que'l so rellumu varia ente magnitú +6,27 y +6,41. Alcuéntrase a 455 años lluz de distancia del Sistema Solar.
GY Andromedae ye una estrella blancu-azulada de tipu espectral B9p con una temperatura efectivo de 10.280 K. La so lluminosidá ye 50 vegaes superior a la lluminosidá solar y tien una masa de 2,5 mases solares. Ye una estrella químicamente peculiar y una estrella variable Alfa2 Canum Venaticorum, con llinies especialmente fuertes de dalgunos elementos químicos nel so espectru d'emisión. Destaca la presencia de promecio, elementu bien pocu habitual y radiactivu, siendo esta carauterística única nuna estrella. La detección d'esti elementu resulta sorprendente, yá que inclusive'l isótopu de promecio más estable tien una vida media d'apenes 17,7 años, lo que paez indicar qu'hai de ser creáu de cutio. Coles mesmes, reparóse que'l campu magnéticu estelar varia con un periodu de 23,3 años.
GY Andromedae ye tamién una estrella binaria espectroscópica con un periodu de cuasi 273 díes, siendo la escentricidá de la órbita ε = 0,47.
Referencies
<div class="references-small"> GY Andromedae (SIMBAD) GY Andromedae (Jumk.de/astronomie)
Ayer, M. F. (1971): "Promethium in the star HR465", Sky and Telescope, vol.41, pp. 220-222
Categoría:Estrelles Categoría:Estrelles variables Categoría:Variables Alfa2 Canum Venaticorum Categoría:Constelación d'Andrómeda