q Velorum (q Vel / HD 88955 / HR 4023)q Velorum (SIMBAD) ye una estrella na constelación de Vela de magnitú aparente +3,84.q Velorum (The Bright Star Catalogue) Nun tien de ser confundida con Q Velorum (HD 88206).
Asitiada a 103 años lluz de distancia del Sistema Solar, q Velorum ye una estrella blanca de la secuencia principal de tipu espectral A2V. Tien una temperatura superficial de 8707 K y un radiu 2,2 vegaes más grande que'l del Sol.q Velorum, Catalogue of Stellar Diameters (CADARS) (Pasinetti-Fracassini+ 2001) Rota con una velocidá proyeutada —valor mínimu que depende del enclín del so exa de rotación— de 103 km/s. La so lluminosidá ye 22 vegaes superior a la lluminosidá solar. Les sos carauterístiques físiques son bien paecíes a les d'Alfecca Meridiana (α Coronae Australis) o ι Delphini, siendo la so masa 2,2 vegaes mayor que la del Sol. La so edá envalórase en 300 millones d'años.
A diferencia de delles estrelles de tipu A, q Velorum nun ye una estrella químicamente peculiar y amuesa una metalicidá —bayura relativa d'elementos más pesaos que'l heliu— similar a la del Sol ([Fe/H] = +0,06). Los conteníos de carbonu, oxíxenu, siliciu y calciu son igualmente cercanos a les solares, pero esta semeyanza sume pa elementos como sodiu, escandiu, itriu o estronciu, muncho más abondosos en q Velorum. Por exemplu, la bayura relativa de estronciu ye 4,5 vegaes más elevada que nel Sol.
Referencies
Categoría:Estrelles Categoría:Estrelles blanques de la secuencia principal Categoría:Constelación de Vela