Lamba Crucis (λ Cru / HD 112078 / HR 4897) ye una estrella de la constelación Cruz del Sur de magnitú aparente +4,60.Lambda Crucis - Variable Star of beta Cep type (SIMBAD)
De tipu espectral B4Vne, Lamba Crucis ye, al igual que'l Sol, una estrella de la secuencia principal que la so enerxía provién de la fusión del hidróxenu nel so interior. Les semeyances acaben equí, yá que ye una estrella muncho más caliente (17.300 K) y significativamente más lluminosa, 4790 vegaes más que'l Sol. El so diámetru ye 3,5 vegaes más grande que'l diámetru solar y rota a la enorme velocidá de 300 km/s, 150 vegaes más apriesa que'l Sol. 7 vegaes más masiva que'l Sol, la so edá puede ser inferior a 50 millones d'años. Ye una variable Beta Cephei, con una pequeña variación de rellumu de 0,2 magnitúes. Esiste un periodu principal de 0,3951 díes y un posible periodu secundariu de 0,1793 díes.Lambda Crucis (The Bright Star Catalogue)
Al igual que munches de les estrelles más brilloses de la Cruz del Sur, Lambda Crucis forma parte de l'Asociación estelar de Scorpius-Centaurus, l'asociación estelar OB más cercana al Sistema Solar. La so distancia al respective de nós, 360 años lluz, ye práuticamente la mesma que la de Becrux (β Crucis) y Decrux (δ Crucis).
Referencies
Categoría:Estrelles Categoría:Estrelles variables Categoría:Variables Beta Cephei Categoría:Constelación de Crux