Miram (η Persei / η Per / 15 Persei / HD 17506)Eta Persei (SIMBAD) ye una estrella na constelación de Perséu. En China, xunto a γ Persei, yera conocida como Tien Chuen, «el barcu celestial». De magnitú aparente +3,77, alcuéntrase a aproximadamente 1300 años lluz del Sistema Solar. Nun ye miembru del Cúmulu d'Alfa Persei, que ta asitiáu a la metá de distancia.
Miram ye una superxigante naranxa de tipu espectral K3Ib. Enantes catalogada como superxigante colorada de tipu M3, la so clasificación actual ye más consecuente cola so temperatura de 4300 K. 13.000 vegaes más lluminosa que'l Sol, la midida direuta del so diámetru angular per aciu interferometría dexa evaluar el so radiu, 220 vegaes mayor que'l radiu solar y del mesmu tamañu que la órbita terrestre. La velocidá de rotación midida ye de 5,8 km/s, lo qu'implica un llargu periodu de rotación igual o inferior a 5 años, magar, dependiendo del enclín del so eje, podría ser notablemente inferior.Eta Persei (Stars, Jim Kaler)
Estrella descomanadamente masiva, la so masa ta entendida ente 9 y 11 mases solares —el valor exautu depende del estáu evolutivu nel que s'atope. Dichu valor entraña la posibilidá de que concluya los sos díes como una de les nanes blanques más masives (con una masa de 1,4 mases solares), como una nana blanca de neón, ya inclusive qu'esplote en forma de supernova.
Esisten delles estrelles visualmente próximes a Miram que probablemente namái tán na mesma llinia de visión. HD 237009, asitiada a casi mediu minutu d'arcu de Miram, pudiera ser, sicasí, una compañera real. De magnitú +8,51 y tipu A0,HD 237009 (SIMBAD) taría dixebrada siquier 11.500 UA de Miram si verdaderamente forma con ella un sistema binariu.
Referencies
Categoría:Estrelles Categoría:Superxigantes Categoría:Constelación de Perséu