Muscida ye'l nome tradicional de la estrella ο Ursae Majoris (ο UMa / 1 Ursae Majoris / HD 71369). Asitiada na constelación del sietestrellu, la so magnitú aparente ye +3,36.Muscida (SIMBAD)Muscida (The Bright Star Catalogue) El so nome, unu de los pocos provenientes del llatín, significa «focicu», siendo tamién utilizáu pa designar a π1 Ursae Majoris y π2 Ursae Majoris.
Muscida ye una xigante mariella de tipu espectral G5III con una temperatura superficial de 5.157 K. La so lluminosidá ye 140 vegaes mayor que la del Sol y tien un radiu 15 vegaes más grande que'l radiu solar. El so espectru amuesa una metalicidá similar a la del Sol y, como otres xigantes, xira amodo sobre sobre sigo mesma, emplegando hasta 250 díes en completar una vuelta completa. Con una masa tres veces mayor que la del Sol, Muscida empezó la so vida hai aproximadamente 360 millones d'años como una estrella azul caliente; anguaño traviesa la llamada «Llaguna de Hertzsprung», una seición del diagrama de Hertzsprung-Russell con bien poques estrelles —piénsase que les estrelles traviesen esta seición en bien pocu tiempu en comparanza cola so vida total—. Ye amás una estrella variable que'l so rellumu varia ente magnitú +3,3 y +3,8.
Muscida tien una tenue compañera de magnitú 15 a 7,1 segundos d'arcu. Ye una nana colorada de tipu M1 y ta dixebrada de Muscida siquier 400 UA. Yá que el periodu orbital ye, a lo menos, de 4.100 años, nun se pudo reparar movimientu orbital. Dambes estrelles alcuéntrase a 185 años lluz del Sistema Solar.Muscida (Stars, Jim Kaler)
Referencies
Categoría:Estrelles Categoría:Nanes coloraes Categoría:Estrelles binaries Categoría:Estrelles variables Categoría:Constelación de sietestrellu