Ómicron2 Cygni (ο2 Cyg / 32 Cygni / V1488 Cygni) ye una estrella variable na constelación del Cisne, de magnitú aparente media +3,96. Comparte la denominación de Bayer Ómicron con ο1 Cygni, magar nun esiste rellación física ente les dos estrelles. Ómicron2 Cygni alcuéntrase a 1.100 años lluz del Sistema Solar.
Al igual que Almaaz (ε Aurigae), Ómicron2 Cygni ye una binaria eclipsante amplia, compuesta por una superxigante naranxa de tipu espectral K3Ib y una estrella blancu-azulada de la secuencia principal de tipu B3V. Cada 3,143 años la superxigante clisa parcialmente a la estrella azul; ésta, sicasí, puede rellumar al traviés de la fina atmósfera de la superxigante, resultando un amenorgamientu nel rellumu d'apenes 0,06 magnitúes.
La temperatura superficial de la superxigante naranxa ye incierta; les midíes van dende los 3.500 a los 3.900 K. Considerando'l valor más altu como'l más probable, la so lluminosidá ye 11.100 vegaes mayor que la lluminosidá solar, con un diámetru 230 vegaes mayor que'l diámetru solar. L'analís de la órbita dexa envalorar una masa pa la superxigante 9,7 vegaes mayor que la masa solar, ente que la masa del so acompañante ye 5 vegaes mayor que la solar. La edá del sistema ye de menos de 20 millones d'años.
Referencies
Omicron2 Cygni (SIMBAD) Omicron2 Cygni (The Bright Star Catalogue) Omicron-2 Cygni (Stars, Jim Kaler) 32 Cygni (Omicron-2 Cygni) (Jumk.de/astronomie)
Omicron2 Cygni Omicron2 Cygni Omicron2 Cygni Omicron2 Cygni Omicron2 Cygni