Pi Mensae (π Men) ye una estrella na constelación austral de Mensa de magnitú aparente +5,65. A namái 10º del polu sur celeste, ye la décima estrella más brillosa de la constelación. En 2001 anuncióse'l descubrimientu d'un planeta orbitando alredor de esta estrella.
Carauterístiques Pi Mensae ye una nana mariella de tipu espectral G0VPi Mensae (SIMBAD) o G1V,Pi Mensae (The Bright Star Catalogue) anque tamién foi catalogada como estrella subxigante.HD 39091/Pi Mensae (The Estrasolar Planet Encyclopaedia) Con una temperatura efectivo de 5996 K, la so lluminosidá ye un 49% superior a la del Sol. Tien un radiu un 14% más grande que'l radiu solarPi Mensae (Stars, Jim Kaler) y xira sobre sigo mesma con una velocidá de rotación de, siquier, 3,1 km/s. El so metalicidá ye daqué mayor que la del Sol ([Fe/H] = +0,03) y, a esceición del aluminiu que'l so nivel ye un 29% inferior a la solar, amuesa una composición química bien asemeyada a la de la nuesa estrella.
La masa envalorada de Pi Mensae ye un 7% mayor que la masa solar y paez ser daqué más vieya que'l Sol, con una edá averada de 5440 millones d'años. Alcuéntrase a 59,7 años lluz del Sistema Solar.
Sistema planetariu L'oxetu que orbita alredor de Pi Mensae, Pi Mensae b, tien una masa mínimo 10,35 vegaes mayor que la del planeta Xúpiter, polo qu'en realidá puede ser un planeta estrasolar o una nana marrón, una y bones la diferencia ente dambos oxetos establezse alredor de 13 vegaes la masa de Xúpiter. El periodu orbital ye de 5,65 años y muévese nuna órbita claramente escéntrica a 3,29 UA de la estrella principal, variando esta distancia ente 2,1 UA y 5,3 UA.
Ver tamién Llista de planetes estrasolares
Referencies
Enllaces esternos Pi Mensae (Solstation)
Categoría:Estrelles Categoría:Nanes marielles Categoría:Planetes estrasolares Categoría:Constelación de Mensa Categoría:Sistemes planetarios