Tau Persei (τ Per / 18 Persei / HR 854) ye una estrella na constelación de Perséu de magnitú aparente +3,93.V* Tau Per -- Eclipsing binary of Algol type (SIMBAD) Anque nun tien nome propiu habitual, en China yera conocida como Ta Ling, «el gran montículo». Alcuéntrase a 272 años lluz del Sistema Solar.
Tau Persei ye una estrella binaria compuesta por una xigante mariella de tipu espectral G4III y 5160 K de temperatura superficial, y una estrella blanca de la secuencia principal de tipu A4V con una temperatura de 8970 K. La xigante mariella ye 150 vegaes más lluminosa que'l Sol y el so radiu ye 14 vegaes más grande que'l radiu solar. La estrella blanca ye menos lluminosa —pero 26 vegaes más lluminosa que'l Sol— y significativamente más pequeña, con un radiu de 2,2 radios solares. La so velocidá de rotación —50 km/s— implica que'l so periodu de rotación ye de 1,8 díes.
El periodu orbital del sistema ye de 4,419 años, siendo la separación media ente los dos componentes de 4,2 UA. La órbita ye marcadamente escéntrica, con una separación mínima nel periastru de 1,13 UA y de 7,2 UA nel apoastru. Amás Tau Persei ye una binaria eclipsante: mientres dos díes produz una cayida del so rellumu dende magnitú +3,93 a +4,07 cuando la estrella xigante pasa delantre de la estrella blanca nun eclís parcial, una y bones la primera nun llega a ocular dafechu a la segunda. L'otru eclís, cuando la estrella blanca pasa delantre de la xigante mariella, ye demasiáu leve pa ser reparáu.Tau Persei (Stars, Jim Kaler)
Referencies
Categoría:Estrelles Categoría:Estrelles blanques de la secuencia principal Categoría:Estrelles variables Categoría:Estrelles binaries Categoría:Constelación de Perséu