Theta Crateris (θ Crt / 21 Crateris / HD 100889 / HR 4468) ye una estrella de la constelación Crater de magnitú aparente +4,60.Theta Crateris (SIMBAD) D'alcuerdu al Bright Star Catalogue ye la cuarta estrella más brillosa na constelación, superada por Labrum (δ Crateris), Alkes (α Crateris), γ Crateris y β Crateris.The stars of Crater (The Bright Star Catalogue)
De tipu espectral B9Vn, Theta Crateris ye, al igual que'l Sol, una estrella de la secuencia principal que la so enerxía provién de la fusión del hidróxenu nel so interior. Sicasí, a diferencia de la nuesa estrella, la so temperatura superficial ye considerablemente más elevada, ente 11.280 y 12.100 K —la cifra varia según la fonte consultada—. Relluma con una lluminosidá 182 vegaes superior a la del Sol. Tien un diámetru calculáu a partir de la midida del so diámetru angular, 0,334 milisegundos d'arcu— 3,4 vegaes más grande que'l diámetru solar y rota con una velocidá de rotación proyeutada ente 180 y 235 km/s. Ye 3,4 vegaes más masiva que'l Sol y la so edá envalorada ye de 175 millones d'años.
Ye una estrella asemeyada a Markab (α Pegasi) y Al Thalimain Prior (λ Aquilae), pero la so distancia respeutu al Sistema Solar, 305 años lluz, ye más del doble que'l d'éstes.
Referencies
Categoría:Estrelles Categoría:Constelación de Crater