Theta Herculis (θ Her / 91 Herculis / HD 163770)Tet Her -- Variable Star (SIMBAD) ye una estrella na constelación d'Hércules de magnitú aparente +3,85. Alcuéntrase aproximadamente a 750 años lluz del Sistema Solar,
Theta Herculis ye una xigante naranxa de tipu espectral K1II con una temperatura efectivo de 4320 K. 2400 vegaes más lluminosa que'l Sol, ye considerada una xigante lluminosa, distinta por tanto a la mayor parte de les xigantes naranxes observables nel cielu nocherniegu —como por casu Pólux (β Geminorum)—. Temperatura y lluminosidá dexen evaluar el so radiu, 87 vegaes más grande que'l radiu solar, valor percima del llográu a partir de la midida direuta del so diámetru angular —78 radios solares—. La so velocidá de rotación proyeutada, 5,4 km/s, indica que'l so periodu de rotación ye, a lo más, de 780 díes. Con una masa ente 5,5 y 6,5 mases solares, tien una edá entendida ente 55 y 78 millones d'años.Theta Herculis (Jim Kaler, Stars)
Theta Herculis ye una estrella rica en cianóxenu (CN), implicando que los elementos creaos apocayá por fusión nuclear nel so nucleu algamen la superficie estelar. Magar los altos conteníos de carbonu y nitróxenu, la so composición química amuesa un conteníu metálico relativamente baxu, en redol al 60% del esistente nel Sol.
Referencies
Categoría:Estrelles Categoría:Xigantes naranxes Categoría:Constelación d'Hércules