TX Cancri (TX Cnc)V* TX Cnc -- Eclipsing binary of W UMa type (SIMBAD) ye una estrella binaria na constelación del Cámbaru. Ye miembru del cúmulu abiertu M44, conocíu como «El Preselbe». D'alcuerdu al so paralax, alcuéntrase a 626 años lluz del Sistema Solar.
TX Cancri ye una binaria de contautu de tipu espectral F8V o F5V. Nesti tipu de binaries cercanes, les dos estrelles comparten les sos capes esteriores de gas; les temperatures respeutives de los dos componentes de TX Cancri son 6250 y 6121 K. La estrella más caliente, que ye la menos masiva y lluminosa, tien un 9% más de lluminosidá que nuesu Sol y un radiu equivalente al 89% del radiu solar. La so masa ye'l 60% de la masa solar ente que la so compañera —más masiva y lluminosa— tien una masa de 1,32 mases solares. Col doble de lluminosidá que'l Sol, el so radiu ye un 27% más grande que'l del radiu solar. La rellación ente les mases de dambes componentes, q, ye igual a 0,596.
Clasificada como variable W Ursae Majoris, el rellumu de TX Cancri fluctúa ente magnitú aparente +10,00 y +10,35 a lo llargo del so periodu orbital de 0,38288 díesTX Cnc (General Catalogue of Variable Stars) (9,19 hores). El planu orbital ta inclináu 62,2º respectu al planu del cielu y los eclises son namái parciales.
Ver tamién Llista d'estrelles variables
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación de Cáncer