TY Corvi (31 Crateris / HD 104337 / HR 4590)TY Corvi (SIMBAD) ye una estrella de magnitú aparente +5,26 na constelación de Corvus, el cuervu, cerca de la llende con Crater. Ye una estrella distante, asitiada a unos 1760 años lluz del Sistema Solar.
Estrella blancu-azulada, TY Corvi foi catalogada como subxigante de tipu B2IV o como estrella de la secuencia principal B1.5V.TY Corvi (The Bright Star Catalogue) Ye una estrella caliente de 16.500 K de temperatura, con una lluminosidá 7690 vegaes mayor que la del Sol. Ye una binaria espectroscópica, esto ye, la so duplicidá conocióse pol desplazamientu Doppler de los sos llinies espectrales. El so periodu orbital ye de namái 2,963 díes.
TY Corvi ye una variable elipsoidal rotante que'l so rellumu varia ente magnitú +5,19 y +5,23.TY Corvi (General Catalogue of Variable Stars) Nestes estrelles, siempres binaries próximes, la variación débese a la forma elipsoidal de les componentes, que fai que camude l'área visible a midida que muévense na so órbita. Espiga (α Virginis) ye la variable elipsoidal rotante más conocida.
Postulóse que TY Corvi ye una estrella fuxitiva antigua del discu galácticu, y que ye una posible estrella arrezagada azul nel Grupu de les Híades.
Mientres l'acercamientu a Mercuriu de la Mariner 10 en 1974 pensó habese afayáu una lluna de Mercuriu, que resultó ser en realidá esta estrella.
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación de Corvus