V1285 Aquilae (V1285 Aql / GJ 735 / HIP 92871)V* V1285 Aql -- Flare Star (SIMBAD) ye un sistema estelar na constelación d'Aquila de magnitú aparente +10,18. Asitiáu a 37,8 años lluz del Sistema Solar, la estrella conocida más cercana a esti sistema ye Gliese 740, distante 2,29 años lluz.Stars within 8 light-years of V1285 Aquilae (The Internet Stellar Database)
V1285 Aquilae ye una estrella binaria formada por dos nanes coloraes de tipu M3.5 Ve. Ye una binaria espectroscópica —asemeyada a EQ Pegasi, DF Ursae Majoris o GU Bootis— con un periodu orbital de namái 7,658 hores. La distancia media aparente ente dambes estrelles ye de 0,04 UA, una décima parte de la distancia que dixebra a Mercuriu del Sol. La órbita ta inclinada 32º respectu al planu del cielu. El sistema apaez catalogáu como estrella acandilante nel General Catalogue of Variable StarsV1285 Aquilae General Catalogue of Variable Stars (Samus+ 2007-2010) y dambes estrelles son cromosféricamente actives.
Los dos componentes tienen carauterístiques físiques bien similares. Tienen 0,32 y 0,30 mases solares y aproximao el mesmu tamañu, equivalente al 44% del radiu solar. Les velocidaes de rotación respeutives son 4,50 y 3,60 km/s. La so lluminosidá conxunta apenes supón el 0,95% de la lluminosidá solar.
Referencies
Categoría:Estrelles Categoría:Nanes coloraes Categoría:Estrelles binaries Categoría:Estrelles variables Categoría:Estrelles acandilantes Categoría:Constelación d'Aquila