Zeta Aquarii (ζ Aqr / 55 Aquarii) ye una estrella binaria na constelación d'Acuariu que s'atopa a 92 años lluz del Sistema Solar. Considérase que Christian Mayer, direutor del Observatoriu de Mannheim, foi'l primeru en reparar la so duplicidá en 1777. Alcuéntrase práuticamente sobre l'ecuador celeste. Ello ye que enantes de finales de 2003 taba nel hemisferiu sur, momentu nel que por cuenta de la precesión de la Tierra crució al hemisferiu norte.Zeta Aquarii (Stars, Jim Kaler)
Nome Zeta Aquarii ostenta'l nome tradicional de Sadaltager —o Altager—, del árabe سعد التاجر sa‘d al-tājir, «la suerte del mercader». Nel catálogu estelar Calendarium d'Al Achsasi Al Mouakket, esta estrella foi designada Achr al Achbiya (أجر ألأجبية - akhir al ahbiyah), que foi traducíu al llatín como Postrema Tabernaculorum, que significa «el final de la suerte de les tiendes (viviendes)».
Coles mesmes, Zeta Aquarii, xunto a les vecines Sadachbia (γ Aquarii), Seat (π Aquarii) y η Aquarii, yeren al Aḣbiyah (الأخبية), «la tienda».
Carauterístiques Les dos estrelles del sistema son blancu-marielles, de tipu espectral F. La más brillosa, Zeta Aquarii A (ζ2 Aquarii / HD 213052),Zeta Aquarii A (SIMBAD) tien magnitú aparente +4,36 y ye una estrella de la secuencia principal de tipu F3V quince vegaes más lluminosa que'l Sol. Pela so parte, Zeta Aquarii B (ζ1 Aquarii / HD 213051)Zeta Aquarii B (SIMBAD) ye una subxigante de tipu F6IV —clasificada tamién como F2— con una lluminosidá equivalente a 12 soles. La masa de la componente principal ye un 72% mayor que la masa solar, ente que la de la secundaria ye un 65% mayor.
El sistema Zeta Aquarii namái foi podíu ser reparáu a lo llargo de la metá de la so órbita. Por ello, el tamañu y la forma de la órbita nun son bien conocíes. El so periodu orbital pue ser de 587 años y l'órbita paez ser claramente escéntrica, siendo la distancia ente componentes nel apoastru unes cuatro veces mayor que nel periastru, cuando ye aproximadamente la esistente ente'l Sol y Plutón.
Per otra parte, abarrúntase que Zeta Aquarii B puede ser, de la mesma, una binaria astrométrica. Con un periodu de 25,8 díes, el semiexe mayor d'esta órbita tendría 10,8 UA. De confirmase, l'acompañante sería una nana colorada de tipu M0V con una masa equivalente al 40% de la del Sol.
El sistema amuesa una metalicidá llixeramente inferior a la solar ([Fe/H] = -0,05) y tien una edá d'aproximadamente 1200 millones d'años.Zeta2 Aquarii. Extended Hipparcos Compilation (XHIP) (Anderson+, 2012)
Referencies
Categoría:Estrelles Categoría:Subxigantes Categoría:Estrelles binaries Categoría:Constelación d'Acuariu