Zeta Trianguli Australis (ζ TrA / HD 147584 / HR 6098)Zeta Trianguli -- Spectroscopic binary (SIMBAD) ye una estrella de la constelación del Triángulu Austral, la sesta más brillosa de la mesma con magnitú aparente +4,91. Ye una binaria espectroscópica de tipu espectral F9VZeta Trianguli Australis (The Bright Star Catalogue) con una lluminosidá conxunta de 1,4 soles. Tien una metalicidá comparable o llixeramente inferior a la del Sol y una edá envalorada per aciu xirocronoloxía— d'aproximadamente 2080 millones d'años.
La componente primaria del sistema paez ser una estrella de la secuencia principal —llogra la so enerxía a partir de la fusión nuclear d'hidróxenu en heliu— daqué más caliente que'l Sol. La estrella secundaria foi catalogada como una estrella de tipu G1; sicasí, trabayos recién indiquen que la so masa ta entendida ente 0,09 y 0,45 mases solares, lo que correspuende a una nana colorada de tipu M1V a M7V. El periodu orbital del sistema ye de 12,98 díes, siendo la órbita casi circular con una bien baxa escentricidá de 0,014.
A pesar de ser una estrella alcontrada a 70º S, Zeta Trianguli Australis forma parte de la corriente d'estrelles de l'Asociación estelar del sietestrellu. Alcuéntrase a 39,5 años lluz del Sistema Solar.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Estrelles binaries Categoría:Constelación de Triangulum Australe