La epigrafía ye una ciencia histórica. El so oxetu d'estudiu son les inscripciones feches en materiales duros, y poro, duraderos nel tiempu, como la piedra, el güesu, el metal o la madera. Desendolca métodos pa interpretales y asina consiguir la so finalidá que ye'l descifráu ya interpretación d'estos escritos, col final de tener mayor información sobre la dómina o histórica de les mesmes.
Les inscripciones feches en monedes nun s'estudien pola epigrafía sinón pola numismática.
La cienca epigráfica sodivídese pol calter intrínsecu col que foi fecha la inscripción, relixosa o profana y militar o civil, y al empar na dómina y cultura na que se fizo. Asina habrá, por exemplu, Epigrafía Relixosa Ibérica o Epigrafía Militar Romana.
Los tipos d'inscripciones defínense col oxetu d'alcordanza col que se fixeron, asina hailes:
Votives, a les divinidaes o los santos. Xurídiques, les que contienen órdenes o lleis. Públiques, les que tienen como sofitu un monumentu de calter públicu. Históriques, les conmemoratives d'un fechu o data. Honorífiques, honren la memoria d'una persona. Funeraries, refiérense a la muerte de dalguién. Mixtes o comunes, d'emplegu usual en esteles, potes, platos, etc.
Referencies
Enllaces esternos
*