Menjeperra Dyehutymose,Menjeperra Dyehutymose ye la trescripción del so nome de tronu y de nacencia, según les convenciones académiques. Thutmose IIIThutmose III ye la trescripción del so nome de nacencia, más el númberu ordinal, bien utilizáu en testos académicos. o Tutmosis III,Tutmosis III ye'l nome griegu dadu nos epítomes de Manetón al faraón Tutmosis IV, que por simplicidá y error s'asignó a esti faraón, anque nengún exipciu o griegu lu denominó asina. Ye'l nome común más utilizáu n'español en testos divulgativos.Nome del faraón según los epítomes de Manetón: Mefres (Flaviu Xosefu, Contra Apión) Mefres (Flaviu Xosefu, de Teófilu) Misafris (Julio Africanu, versión de Jorge Sincelo) Mifres (Eusebio de Cesarea, versión de Sincelo) Memfres (Eusebio de Cesarea, versión armenia) Otres grafíes del so nome: Aakhepeshkhuipedjet, Anakhtkhamuaset, Chaemuaset, Chaemwese, Dhout, Dhutmose, Dhutmosi, Djehutymes, Djeserkhau, Heruhornakhtu, Kanakhtkhaiemaat, Kanakhtmerira, Khaemuaset, Khaemuast, Khaemuse, Khaemwaset, Khaemweset, Khamouas, Khamus, Manahpiya, Menkheperre, Meriraqakhedjet, Nebkhepesh, Neferkheper, Neferkheperu, Nekhetkhepesh, Sekhamaatmeritaui, Tehutimes, Tetmosis, Thutmosi, Thutmosis, Tuthmosis, Tutmes, Tutmosi. foi'l sestu faraón de la dinastía XVIII d'Exiptu; gobernó de c. 1479 e.C. a 1425 e.C. (1504 e.C. a 1450 e.C. según la High Chronology).Cronoloxía según von Beckerath, Shaw, Kitchen, Grimal, Málek, Arnold y Murnane.Acordies cola Low Chronology of Ancient Egypt, Tutmosis III reinó de 1479 e.C. a 1425 e.C. Esta foi la cronoloxía convencional d'Exiptu nos círculos académicos dende la década de 1960, anque en dellos círculos les antigües feches de 1504 e.C. a 1450 e.C. son preferíes pola High Chronology. Foi ún de los monarques más importantes y poderosos de los trés mil años de civilización faraónica. Nel intre del so reináu, l'Imperiu exipciu algamó la so máxima estensión territorial.
Tamién ye conocíu como Thutmosis III o Tutmés III, variantes del so nome helenizáu. Gobernó colos títulos de tronu y nacencia de Menjeperra Dyehutymose.
Biografía Tutmosis III yera fíu del rei Tutmosis II y d'una concubina real de nome Isis. Esta muyer nin siquier ostentaba'l títulu d'esposa secundaria, polo que les posibilidaes del príncipe de llegar a rei seríen nules de nun morrer el so padre ensin descendencia masculina de la Gran Esposa Real Hatshepsut.
La tradición real mientres la Dinastía XVIII establecía que la socesión sería privilexu del home. Dichu príncipe tenía de ser frutu de la rellación del faraón gobernante y la Gran Esposa Real, que tenía'l cargu de Dadora d'Herederos y socesora de la mítica reina Ahmose-Nefertari.Ciril Aldred: Akhenaten, King of Egypt. Cap. The XVIII Dynasty.
Tutmosis III foi coronáu, pero yera demasiáu nuevu p'asumir el gobiernu del Estáu. Por ello, la reina viuda Hatshepsut, descendiente de reis y reines per dambes partes, encargóse de la rexencia, alloñando definitivamente al visir Ineni, l'influyente cortesanu que quiciabes tuviera detrás del encumbramientu de Tutmosis II y Tutmosis III en desterciu de la reina.
thumb|200px|Estatua oferente del faraón Thutmose III. Muséu d'El Cairu.
Hatshepsut nun se conformó con ser rexente y nel segundu añu de reináu de Tutmosis III autoproclamóse faraón d'Exiptu col nome de Maatkara Hatshepsut.
A la muerte de Hatshepsut, Tutmosis III foi por fin rei únicu d'Exiptu, ensin nenguna atadura. Podría pensase que foi él quien descargó'l so cólera sobre la figura de la difunta reina, aniquilando la so memoria y usurpando los sos numberosos monumentos. Sicasí, esta teoría foi cuestionada polos exiptólogos.
Una de les hipótesis atribúi la destrucción de la so memoria al cleru d'Osiris, dios que paez nun recibir abondes homenaxes nel reináu de Hatshepsut. Nel so templu de Deir el-Bahari, la reina fíxose representar en forma osiriaca, incluyendo na so iconografía ciertos símbolos solares que pudieron ofender a los sacerdotes d'Osiris.
Según esta tesis, fueron estos mesmos sacerdotes d'Osiris los que desencadenaron la destrucción de la memoria de la reina, que s'empecipió venti años dempués de la so muerte. El fechu d'esperar esti tiempu podría debese a que tenía qu'acabar el reináu de Tutmosis III y producise la muerte de Senenmut, quien, de lo contrario, podría oponese. Otru datu que sofita esta teoría ye que'l templu funerariu de Tutmosis III foi atopáu sobre una parte del de Hatshepsut, un allugamientu inverosímil pa daquién que quixera alloñase de tolo que representaba la so tía y madrasca.
Otra teoría sobre esta estraña correxencia propón que, mientres la reina gobernaba Exiptu, el faraón Tutmosis III prefirió dedicase a la vida militar y a espandir les fronteres del país más allá de lo que fixera'l so güelu Tutmosis I.
Familia Tutmosis III tuvo siquier dos grandes esposes reales: Satiah y Hatshepsut Meritra (considerada la segunda fía de Hatshepsut, anque con munches duldes). Tamién se pensó que tuvo casáu con Neferura, la primoxénita y quiciabes fía única de Hatshepsut, pero esto nun ta comprobáu. Tuvo numberoses esposes secundaries y delles d'elles llegaron a la corte en virtú d'aliances internacionales con príncipes sirios o cananeos. De los munchos fíos nacíos d'esti rei destaquen Amenemhat, que tuvo con Satiah, y dos de Hatshepsut Meritra: Meritamón y Amenhotep II.
Nes inscripciones xeroglífiques del Aj-menu de Karnak, el templu mortuoriu de Tutmosis III, dizse que Satiah yera la madre del mayor de los fíos del faraón. Esi neñu llamábase [?]-em-hat. Por desgracia, la primer parte del nome perdióse, anque dellos autores propunxeron el nome d'Amenemhat. Per otra parte, yá que'l nome de la madre del neñu rinde cultu al dios Iah, la Lluna, y que'l nome del padre rinde cultu al dios Djehuty (o Thot), de marcáu calter llunar, resultaría muncho más pertinente que'l nome del fíu siguiera esa norma y fuera Thutemhat, y non Amenemhat.
El fíu mayor del rei [Amen/Thut]emhat foi nomáu "... como Supervisor del Ganáu". Esta inscripción apaez na Sala del Festival de Karnak, fechada nel añu 24 de Tutmosis III, cuando la Gran Esposa del rei yera Satiah.Les muyeres na vida de Tutmosis III - Alexandre Herrero Pardo - ([www.inicia.es](http://www.inicia.es))
Política interior El faraón tuvo qu'andar con procuru colos influyentes sacerdotes. Hatshepsut llograra, con grandes donaciones, que'l cleru d'Amón sofitara la so candidatura al tronu, y agora los sacerdotes yeren demasiáu poderosos. Tutmosis III encargóse de contentalos ampliando los sos dominios, pero coles mesmes llindó la so influencia nomando sumos sacerdotes a amigos sos.
Política esterior thumb|280px|Baxorrelieve de Tutmosis III dominando a los sos enemigos. Pilono del templu de Karnak.
Nos 34 años que Tutmosis III gobernó dafechu solo entamó numberoses campañes, tanto nel Próximu Oriente como en Nubia, y, emulando al so güelu, el gran Tutmosis I, realizó numberoses conquistes.
Cuando morrió Hatshepsut, Tutmosis III xubió definitivamente al tronu, empecipiándose un reináu que diba poner les bases del Imperiu exipciu. Castigó a dellos de los homes de gobiernu que sofitaren al gobiernu anterior. Los dominios en Siria perdiérense mientres los reinaos anteriores, los príncipes sirios confederárense y yá nun se pagaben los tributos impuestos por Tutmosis I.
Na so campaña, el faraón Tutmosis III sitió a los confederaos y venciólos en Megido. D'ellí, Tutmosis III avanzó escontra El Líbanu y sometió un gran númberu de ciudaes. Nomó como príncipes de les ciudaes vencíes a homes favorables a Exiptu y, amás, tomó como rehenes a los fíos de los nuevos gobernadores. En tres espediciones consecutives consolidó'l poder exipciu nestes tierres. Na siguiente campaña conquistó Hamah, Homs y Alepo y venció a los sos enemigos en Karkemish, colo que llegó al Éufrates. Nes últimes campañes sometió Xipre y la mariña de Cilicia. Los obeliscos de Karnak recuerden estos fechos. Nos últimos años del reináu procuró afitar el poder exipciu en Nubia y llegó hasta más allá de la tercer tabayón del Nilu. Morrió en 1450 e.C. y la so alcordanza nun se borró, pos llograra axuntar un Imperiu que s'estendía dende Napata, en Nubia, hasta l'Éufrates.Exiptu (misr). Historia Antigua; Enciclopedia GER
Conduxo siquier 17 campañes militares a Palestina y Siria y algamó l'Éufrates. Sol so reináu Exiptu algamó la so máxima estensión, con dominios en Siria, Canaán, el Sinaí y toa Nubia, amás d'efectivos contactos comerciales colos reinos vecinos.
Seique la batalla más brillosa llibrada pol faraón fuera la batalla de Megido. Nella, el faraón y el so exércitu tuvieron que travesar un angostu escobiu pa sorprender al entós príncipe de Kadesh, qu'esperaba l'ataque per otra zona más accesible y pola que pensaba qu'atacaría'l faraón. Esta batalla ta rexistrada nos llamaos Añales del templu d'Amón de Karnak.
Últimos años Los dos últimos años del reináu de Tutmosis III compartiólos col so fíu, el mozu Amenhotep II, nuna correxencia na que lu adomó nel manexu del poder, anque probablemente d'una forma más cordial que la que tuviera Hatshepsut con él. Foi enterráu nel Valle de los Reis, na tumba KV34, onde s'atopa la versión más completa del Llibru del Amduat. La so momia foi una de les topaes nel escondederu de Deir el-Bahari, anque nun mal estáu de caltenimientu.
Construcciones thumb|280px|Obeliscu de Tutmosis III n'Istambul.
L'actividá constructora foi bien notable nesta dómina, na que la riqueza entraba a embute nel país del Nilu. Construyéronse, ampliáronse y restauráronse munchos templos n'Exiptu y Nubia.
Ordenó ampliar el templu d'Amón en Karnak, añadiendo un espaciu llamáu aj-menu y dexando grabaes llargues inscripciones que tán ente les meyor calteníes, onde se describen les sos campañes militares y les donaciones que fizo al templu. Tamién mandó alzar siete grandes obeliscos en Karnak, que darréu fueron treslladaos a les ciudaes de Roma, Istambul, Londres y Nueva York.
Menciones Ye mentáu na biografía d'Ahmose Paennejeb (El Kab) y n'innumberables inscripciones en murios de templos, esteles y estatues alzaos nel so honor per Exiptu y Nubia (Karnak, Abidos, Hieracómpolis, Nubt, Deir el-Bahari, Elefantina, Asuan, Sehel, Semna, Kumma, Tell Halfa, Gebel Barkal, Armant y Faras).
La so tumba thumb|130px|Pintures na tumba de Tutmosis III; puede apreciase l'esquematismu de les figures.
La tumba d'esti faraón foi afayada polos trabayadores de Victor Loret en 1898; dempués de llimpiala con procuru, fíxose un planu d'ónde fuera atopáu cada oxetu. La tumba fuera robada na antigüedá y la momia del rei yá fuera atopada, en 1881, nel escondederu llamáu TT320.
Los oxetos atopaos na tumba taben bien deterioraos. Los lladrones de tumbes fueren poco cuidadosos na so busca y el sarcófagu fuera estropiáu al retirar la tapa; les figures de madera atopaes na tumba fueren llanzaes con fuercia contra les parés p'arrinca-yos el doráu.
La tumba ye distinta d'otres sepultures más tempranes del Valle de los Reis, tanto en tamañu como en decoración. Tien tres pasillos, un pozu (el primer pozu propiamente dichu nuna tumba del Valle de los Reis; el so posible usu nun sería tanto repeler a los lladrones de tumbes como contener les inundaciones), una antecámara decorada colos dioses del Amduat y una cámara mortuoria decorada con escenes del Amduat. Les pilastres fueron decoraes cola Lletanía de Ra y amuesen al rei protexíu por Isis.
Per primer vegada apaez una decoración parietal qu'utiliza la enyelsadura y posterior pintura. Les tumbes más tempranes teníen les escenes pintaes en bloques de caliar enllastraos nes parés, como, por exemplu, na tumba de Hatshepsut. Cuando se llimpió la tumba, viose que les dos habitaciones a la izquierda de la cámara sepulcral fueren desaposiaes del so conteníu orixinal; esto tamién pasara na tumba d'Amenhotep II. Ye posible que la tumba de Tutmosis III fuera usada mientres un tiempu polos sacerdotes de la dinastía XXI enantes de ser abandonada.