Alfred Kastler foi un físicu francés, ganador del Premiu Nobel de Física en 1966.
Kastler foi al llicéu Bartholdi en Colmar (Alsacia), y de ende foi a la École Normale Supérieure en París en 1921. Dempués de los sos estudios, en 1926 empezó a enseñar física nel llicéu de Mulhouse, y enseñó na Universidá de Burdeos, onde foi profesor universitariu hasta 1941. Georges Bruhat preguntó-y si quería tornar a la École Normale Supérieure, onde finalmente llogró la so cátedra en 1952.
Collaborando con Jean Brossel, investigó la mecánica cuántica, la interaición ente lluz y átomos, y la espectroscopia. Kastler, trabayando en combinación de resonancia óptica y resonancia magnética, desenvolvió la téunica de optical pumping. Estos trabayos sirviéron-y pa la terminación de la teoría de láseres y máseres.
Ganó'l Premiu Nobel de Física en 1966 «pol descubrimientu y desarrollu de métodos ópticos pal estudiu de les resonancies hercianes nos átomos».
Foi presidente de la mesa directiva del Institut d'optique théorique et appliquée y fundador d'Aición Contra la Fame.
Llaboratoriu Kastler-Brossel
Nos cuarenta años que siguieron, el so grupu de mozos físicos fixeron meyores significatives nel desarrollu de la física atómica en Francia. El Llaboratoriu d'Espectroscopia herciana foi rebautizado Laboratoire Kastler-Brossel en 1994.
Referencies
Bibliografía
Oeuvre Scientifique, 2 vols. Ed. CNRS, 1988
Alfred Kastler: Tiere sind unsere biologischen Brüder. In: Unesco-Dienst. Heft 3. 1979
Kastler ''Optisches Pumpen als Beispiel internationaler Zusammenarbeit, Physikalische Blätter, agostu 1967
La diffusion de la lumiére par les milieux troubles; influence de la grosseur des particules, Paris: Hermann 1952
Recherches sur la fluorescence visible de la vapeur de mercure, Paris: Masson 1935
Enllaces esternos
Alfred Kastler
Categoría:Físicos y físiques de Francia Categoría:Ópticos de Francia Categoría:Premiu Nobel de Física Categoría:Premiu Holweck