Psilocybe subaeruginosa ye una cogorda sicodélica d'Australia, que tien la psilocibina y la psilocina como principales compuestos activos. Descrita per primer vegada en 1927 pol micólogu australianu John Burton Cleland, ye asitiáu na seición de los Cyanescens, qu'inclúi Psilocybe cyanescens y Maire Psilocybe. Los estudios de morfoloxía comparativa l'analís d'isoenzimes y métodos d'apareyamientu de compatibilidá demostraron que P. australiana, P. Eucalypta y P. tasmaniana son sinónimos d'esta especie. Sicasí otros estudios refugaron la propuesta de la sinonimia con P. tasmaniana basaos nes diferencies nel hábitat y calteres microscópicos.
Descripción Psilocybe subaeruginosa tien un sombreru higrófano cónicu color marrón-café,con márxenes estriaos cuando ta húmedu. El fungu cuando ta frescu si ye mancáu produz unes marques o moretones azulaos o d'un azul verdoso, color que permanez visible depués del ensugáu. El so estipe ye blancu cuando nun ye manipoliáu amoratándose fácilmente. El sombreru xeneralmente mide de 1–6 cm de diámetru, y de cutiu con un llixeru umbo. Les llámines son adnates, de color marrón claro a un marrón escuro púrpura nel maduror colos cantos más claros. Nun ta presente'l aniellu y les espores son d'un marrón púrpura. Microscópicamente, la especie ye carauterizada poles espores elíptiques y nidies que miden 14 x 7mm. L'estipe ye de 4,5 a 12 cm de llargu y 0,2 a 0,4 cm de gruesu color blancu finamente estriada llixeramente ampliada cerca de la base. Con un velu blancu parcial que llueu sume y de cutiu dexa buelgues na parte cimera del tarmu. El golor y el gustu ye farináceo
Distribución y hábitat Psilocybe subaeruginosa crez en solitario nos restos de la madera, como estielles de madera nes zones urbanes y los residuos maderices de los montes y xardinos.Ye común en delles partes del sur d'Australia y Nueva Zelanda d'abril a agostu
Galería
Toles imáxenes de baxo son de P. subaeruginosa.
Referencies
Categoría:Psilocybe
Categoría:TBSpecies