La Biblioteca Nacional Rusa, (en rusu, Российская Национальная Библиотека) en San Petersburgu, Rusia, deriva de l'antigua Biblioteca Imperial fundada por Catalina la Grande en 1795, que tenía ente los sos fondos la biblioteca privada de Voltaire, ente otres. Cuenta con trenta y cinco millones de documentos, ente los cualos, 15 millones de llibros, lo que fai d'ella la segunda más importante de Rusia, tres la Biblioteca del Estáu Rusu en Moscú. Ye depósitu llegal pa les publicaciones en Rusia. Los sos criterios bibliográficos son básicamente los de coleccionar materiales sobre la hestoria, cultura y lliteratura rusa y materiales científicos y eruditos n'otres llingües.
Mientres el sieglu XIX, foi la principal coleición bibliotecaria del Imperiu Rusu; dende 1814, fuera abierta al públicu, y asitióse nun bellu edificiu na Nevsky Prospekt, darréu ampliáu. Cola Revolución comunista de 1917, dexó'l so preeminencia a la Biblioteca de Moscú, ciudá que volvió ostentar la capitalidad. Dende 1932 a 1992 llamóse Biblioteca Pública Saltykov-Schedrín. Col agregu d'otros edificios y la construcción de nuevos equipamientos, la Biblioteca Nacional Rusa ye anguaño una de les más notables d'Europa y del mundu, pol númberu de los sos fondos y pola calidá de los mesmos, qu'inclúin dende importantes manuscritos bíblicos hasta incunables y obres impreses renacentistes y barroques.Información na páxina web oficial de la Biblioteca Nacional Rusa (n'inglés).
Referencies
Rusia Categoría:Cultura de San Petersburgu Categoría:Biblioteques de Rusia Categoría:Arquiteutura de Rusia