La Universidá d'El Cairu (n'árabe جامعة القاهرة, enantes denomada Universidá Exipcia y más tarde Universidá de Fuad) ye un institutu d'educación cimera asitiáu en Guiza, Exiptu. A la Universidá d'El Cairu pertenecen tamién una Facultá de Derechu y una Facultá de Medicina. Esta postrera foi una de les primeres facultaes de medicina d'África y nel Próximu Oriente. El so primer edificiu foi una donación d'Alaini Pasha.
Historia La universidá fundóse'l 21 d'avientu de 1908, como resultáu del esfuerciu d'establecer un centru nacional en materia d'educación. Más tarde xuniéronse otros colleges como'l d'inxeniería (n'árabe كلية الهندسة) en 1816, que fuera zarráu por Mehmet Said en 1854.
La Universidá d'El Cairu fundóse como una universidá civil d'inspiración europea, en contraste cola Universidá relixosa d'al-Azhar, sirviendo de modelu pa otres universidaes na rexón.
El primer presidente de la Universidá d'El Cairu, entós conocida como Universidá Exipcia foi'l profesor Ahmed Lutfi el-Sayed.
Clasificación Según el ranking mundial académicu de 2007 (Academic ranking for World Universities, ARWU), publicáu pol Institutu d'Educación Cimera de la Universidá Jiao Tong de Shangái, la Universidá d'El Cairu ye la primera del país y una de les 500 más importantes del mundu.
Según los rankings de 2008 Webometrics World Universities rankings, la Universidá d'El Cairu ye la segunda del país y la décima d'África. Esti ranking ta basáu na webométrica (esto ye, nel estudiu de los aspeutos cuantitativos de la construcción y usu de recursos d'información, estructures y teunoloxíes na rede según un acercamientu bibliométrico y infométrico y ye de calter académicu.
Facultaes y especialidaes Facultá de Ciencies Facultá d'Agricultura Facultá d'Arqueoloxía Facultá d'Arte Facultá de Comerciu Facultá de Computación y Ciencia de la Información Facultá de Dar El-Ulum Facultá de Medicina Bucal y Dental Facultá d'Economía y Ciencies Polítiques Facultá d'Inxeniería Facultá de Derechu Facultá de Comunicación en Masa Facultá de Medicina Facultá de Farmacoloxía Facultá de Fisioterapia Facultá de Planificación Rexonal y Urbana Facultá de Veterinaria
Referencies
Enllaces esternos
Páxina web oficial de la Universidá d'El Cairu New KasrAlainy Teaching Hospital Human Rights Watch: The Repression of Academic Freedom in Egyptian Universities. Cairo University at NNDB IEEE Cairo University Student Branch
Cairu, El Categoría:Universidaes públiques