Patrick Süskind ye un escritor y guionista de cine alemán.
Biografía Realizó estudios d'Historia medieval y Moderna na Universidá de Múnich y en Aix-en-Provence ente 1968-1974. Na década de 1980 trabayó como un guionista televisivu, pa Kir Royal y Monaco Franze ente otros. El so padre foi un escritor francés y la so madre foi una vendedora de cerámica. El so padre, Wilhelm Emanuel Süskind, foi escritor y traductor, trabayó mientres llargu tiempu nel periódicu alemán Süddeutsche Zeitung. El so hermanu mayor, Martin Y. Süskind.
La so primer obra foi un monólogu teatral tituláu El contrabaxu, estrenáu en Múnich en 1981, que na temporada 1984/85 ufiertó 500 representaciones, convirtiéndose asina na pieza de teatru d'idioma alemán con mayor duración en cartel y ye anguaño de cutio repuesta en teatros alemanes ya internacionales. Pero'l so ésitu llegó cola so novela L'arume (1985), traducida a 46 llingües, ente elles el llatín, rápido convertida nun bestseller con aproximadamente 15 millones d'exemplares vendíos y convertida n'ésitu cinematográficu del añu 2006 pol direutor Tom Tykwer, dempués de que, tres 15 años de trabayoses negociaciones, Constantin Film asumiera los derechos y costos de desenvolvimientu (aproximadamente unos 10 millones d'euros). Otres obres sos son: El Palombu (1988), La historia del señor Sommer (1991), Un Combate y otros rellatos (1996).
Süskind escasamente concede entevistes, nun apaez en públicu y refugó delles reconocencies, como los premios de lliteratura Gutenberg, Tukan y CARA. Tampoco allegó al estrenu internacional de la versión cinematográfica de L'Arume en Múnich. Esisten bien poques fotografíes sos, anque na película pa televisión Monaco Franze fai un pequeñu cambéu nel novenu episodiu. Por cuenta de que escasamente concede entevistes, nun se sabe enforma de la so vida personal.
Obres
El contrabaxu, 1981, ISBN 3-257-23000-1 L'arume, 1985, ISBN 3-257-22800-7 El palombu 1988, ISBN 3-257-21846-X La historia del señor Sommer, 1991, ISBN 3-257-22664-0 Trés histories y una considerancia Un Combate y otros rellatos, 1996, ISBN 3-257-70008-3 (Nueva edición 2005: ISBN 3-257-23468-6) Sobre l'Amor y la Muerte, 2006, ISBN 3-257-23589-5
Guiones
La más normal llocura, 1990, con Helmut Dietl Mónaco Franze, 1982, con Helmut Dietl Kir Royal, 1986, con Helmut Dietl Rossini – o la entruga asesina, quién duerme con quién, 1997, con Helmut Dietl De la Busca y Alcuentru del Amor, 2005, con Helmut Dietl La rapaza de colloráu , 2005
Bibliografía Süskind, Patrick, L'Arume. Historia d'un asesín, Editorial Seix Barral: Barcelona, 1985/2006. ISBN 84-322-2803-6 Süskind, Patrick, Entrevista a Patrick Súskin, Llatinoamericanos Xuníos: Guatemala, setiembre 2008.
Referencies
Enllaces esternos Programa sobre El palombu en RNE 5 Entrevista sobre Patrick Súskin En castellán.
Categoría:Escritores d'Alemaña Categoría:Novelistes d'Alemaña Categoría:Escritores de cuentos d'Alemaña Categoría:Escritores n'alemán Categoría:Persones de Baviera