El Reinu de Galitzia y Lodomeria (nome oficial n'alemán: Königreich Galizien und Lodomerien; en polacu: Królestwo Galicji i Lodomerii; y n'ucraín: Королівство Галичини і Лодомерії) foi ente 1772 y 1918 una tierra de la corona perteneciente a los territorios dinásticos de los Habsburgu (nel marcu de la monarquía de los Habsburgu, l'Imperiu austriacu y de la Cisleitania austrohúngara).
Historia thumb|left|Galitzia-Lodomeria y Bukovina (1777-1782) Tuvo'l so orixe en 1772 na incorporación a los dominios de los Habsburgu del territoriu tres la primer partición de la Mancomunidá de Polonia-Lituania.
La denominación del reinu foi acuñada na corte de María Teresa d'Austria, entós tamién reina d'Hungría, una y bones los distritos d'Hálych (Galitzia) y Volodímir (Lodomeria) pertenecieren sieglos tras, antes de la so anexón pol Reinu de Polonia, al Reinu d'Hungría, que los sos monarques adoptaron mientres un tiempu'l títulu de «duques de Galitzia y Lodomeria». De mayor estensión que'l so históricu predecesor, primero unos 45 000 km², recibió categoría de territoriu patrimoniu de la corona (Kronland).
La provincia del imperiu austriacu de Bucovina tuvo incluyida formalmente nel reinu de Galitzia ente 1787 y 1790, ente 1817 y 1849 y ente 1860 y 1861.
Galitzia Occidental, que fuera propiedá del imperiu austriacu dende la Tercer partición de Polonia de 1795, tuvo fundida col reinu de Galitzia dende 1803, estableciéndose la capital en Lemberg (Lviv).
De resultes del Tratáu de Schönbrunn de 1809, l'Imperiu austriacu dexó dos territorios del reinu de Galitzia: la enantes mentada Galitzia Occidental (incluyendo a Cracovia) al Ducáu de Varsovia, y una parte de la Galitzia Oriental, el llamáu distritu de Tarnopol, al Imperiu rusu. En 1815 Tarnopol retornaría a control austriacu.
En 1846, l'hasta entós Ciudá Llibre de Cracovia foi incorporada a Galitzia y al imperiu austriacu.
Referencies
Bibliografía
Categoría:Estaos y territorios fundaos en 1772 Galizia Categoría:Imperiu austriacu Categoría:Estaos desapaecíos d'Europa Categoría:Estaos y territorios desapaecíos de Polonia Categoría:Estaos y territorios desapaecíos d'Ucraína Categoría:Antiguos estaos eslavos Categoría:Historia de Polonia Categoría:Rellación Austria-Polonia Categoría:Rellación Austria-Ucrania Categoría:Imperiu austrohúngaru Reinu de Galitzia y Lodomeria