Torroja del Priorat ye un conceyu de la contorna catalana del Prioratu, na provincia de Tarragona. Ta asitiáu a veres del ríu Siurana.
Historia El topónimu Torroja del Priorat vien de la Torre Colorada, una torre de vixilancia construyida polos árabes nel sieglu X. Apaez citáu per primer vegada en 1270. El documentu en cuestión ye l'acta de población concedida a Poboleda na qu'apaez citáu'l términu Torrogia. Formaba parte del prioratu de la Cartuxa de Escaladei.
Mientres la Primer Guerra Carlista fortificóse'l pueblu. Mientres la Segunda Guerra Carlista lo que se fortificó foi la ilesia, que foi quemada tres la ocupación del pueblu poles tropes carlistes.
Cultura La ilesia parroquial ta dedicada a san Miguel. Trátase d'un edificiu de tres naves construyíu nel sieglu XVIII. Ye d'estilu neoclásicu con dellos elementos barrocos. L'órganu del templu foi construyíu en 1800 por Joan Pere Cavaller n'estilu románticu francés, anque tien elementos catalanes.
Son bien pocos los restos que queden de les antigües fortificaciones de la población. Hai pequeños rastros de la torre sarracena que dio nome al conceyu. Tamién son visibles la puerta y una rexa d'una antigua prisión.
Torroja del Priorat celebra la so fiesta mayor el 29 de setiembre, festividá de san Miguel. Nel mes de mayu celebren unos Xuegos Florales.
Economía La principal actividá económica ye l'agricultura. Destaca'l cultivu de la viña, almendral, ablanar y olivar. Dispón de cooperativa agrícola dende 1934.
Referencies
Bibliografía Tomàs Bonell, Jordi; Descobrir Catalunya, poble a poble, Prensa Catalana, Barcelona, 1994
Enllaces esternos
Páxina oficial del Conceyu Información de la Xeneralidá de Cataluña Información del Institutu d'Estadística de Cataluña Información xeneral
Categoría:Llocalidaes de la provincia de Tarragona Categoría:Conceyos de Tarragona Categoría:Wikipedia:Mantenimientu:Llocalidaes d'España ensin partíu xudicial