Trasmiras ye un conceyu de la provincia d'Ourense en Galicia. Pertenez a la Contorna d'A Limia Según el padrón municipal, en 2014 tenía 1.456 habitantes (1.828 en 2003).
Xeografía
El conceyu, de 56,7 km², entiende 9 parroquies. El noroeste ta regáu pel ríu Limia. Otres cuenques importantes son les del ríu Trasmiras y la del Faramontaos. La vega de Limia ye un espaciu natural de 1.400 hectárees, que s'estiende por esti conceyu y el vecín de Xinzo de Limia. Ye una zona húmeda que quedó aisllada dempués de la desecación de la llaguna de Antela nos años 60 del sieglu XX.
El conceyu ta travesáu pela carretera nacional N-525 y per l'autovía de les Ríes Baxes A-52.
Historia
La zona tuvo poblada pola tribu de los límicos. Dempués de la romanización de Galicia tuvo so la influencia del Forum Limucorum. Na edá media quedó so la influencia del condáu de Lemos.
Patrimoniu
Destaquen delles ilesies d'estilu románicu: La de Santa María de Zos caltiénse íntegramente nesti estilu, con una fachada de trés arquivoltas. Les de San Juan de Trasmiras y San Salvador de Vilar de Lebres sufrieron reformes posteriores. La de San Martiño de Abavides tamién foi modificada, y el so retablu foi restauráu. Al llau de la ilesia hai un cruceru.
En Santa Mariña de Escornabois hai un petu d'ánimes que forma conxuntu con un cruceru.
En Vila de Rei hai una ermita sobre un oteru.
Demografía Fonte:INE Archivo
Parroquies Abavides (San Martiño) Chamusiños (Santa Baia) Escornabois (Santa María) Lobaces (Santa María) Rabal Trasmiras (San Xoán) Vila de Rei (San Salvador) Vilar de Lebres (San Salvador) Vilaseca (San Román) Zos (Santa María)
Referencies
Enllaces esternos
Categoría:Conceyos d'Ourense Categoría:Llocalidaes de la provincia d'Ourense Categoría:Wikipedia:Mantenimientu:Llocalidaes d'España ensin partíu xudicial