thumb|Vista xeneral de la parte nueva de Galipentzu Gallipienzo ye un conceyu de la Comunidá Foral de Navarra, asitiáu na Merindad de Sangüesa, na comarca de Sangüesa y a 55 km de la capital de la comunidá, Pamplona. La so población ye de .
Topónimu Sobre l'orixe del nome de la villa esisten delles teoríes:
Una d'elles, la del filólogu y etimólogu Joan Corominas basada nuna etimoloxía propuesta por Schmoll da un orixe celta al nome y escribe lo siguiente defendiendo esta teoría:
Tamién el filólogu Patxi Salaberri recueye otres teoríes sobre l'orixe del nome axuntaes o escurríes por Massu Nitta que basaríen l'orixe del nome nes voces vasques gara o garai (alto) xunto con pendiz o pendoitz (cuesta pendiente) y phendaitz (peña apuntiada), anque tampoco refuga l'orixe romance del nome basáu na rellación coles voces llatines callis y pendius que vendría significar senderu o pendiente. D'esta forma l'historiador Braulio Vigón rellacionaría'l nome de la llocalidá navarra coles llocalidaes asturianes de Cruz de Pienzo, La Parea de Pienzo y Picu de Pienzo.
D'últimes Julio Caro Baroja tamién ellaboró otra teoría basada en que'l nome ye un compuestu de gari (trigu) y pentze (pradería).
El nome de la villa apaez en diversos documentos antiguos como: Galiipençu (1237, NEN); Galipenç, Galipenz (1191, 1193, 1197, s. XII-XV, 1139, 1147, NEN); Galipenço, Galipençu (1141, 1171, 1216, 1268, 1279, 1280, NEN); Galipenzo (1086, NEN); Gallipenz, Gallipenzo, Gallipenço, Gallipençum, Galylipenço, Guallipençum (1035?, 1161, 1185, 1171, 1191, 1193, 1207, NEN); Galipienço, Galipienzo (1084, 1193, 1193, 1201, NEN); Galipienço, Galipienzo Garsia O. de (1312, NEN); Gallipienço (1591, NEN); Gayllipienço, Gayllypienço (1366, NEN); Galliipinz, (1120, NEN).
Símbolos Escudu L'escudu d'armes de la villa de Galipienzo tien el siguiente blasón:
Asina figura pintáu nes vidreres del Palaciu de Navarra. Mientres la Edá Media usó un sellu consistente nun castiellu de tres torres, la central más alta y sobre ella un gallu posáu, símbolu de vixilancia. Esti animal, más que al so simbolismu obedez al raigañu del nome de la villa: Galli, como blasón parlante. Sicasí, el nome primitivu de la llocalidá foi'l de Garipenzu.
Xeografía física Situación thumb|left|Situación del conceyu de Galipentzu en Navarra y na Merindad de Sangüesa. La villa de Gallipiezo ta asitiada na parte oriental de la Comunidá Foral de Navarra dientro de la rexón xeográfica de la Zona Media. El so términu municipal tien una superficie de 56 km² y llinda al norte con Ezprogui y Sada, al este con Cáseda, al sur con Carcastillo y al oeste con Murillo el Frutu, Ujué y Eslava.
Clima El clima de la zona ye de tipu Mediterraneu continental y ta carauterizáu por tener iviernos fríos y lluviosos y branos templaos y secos. La temperatura medio añal bazcuya ente los 13º y 14 °C, les precipitaciones añales tán ente los 500 y 700 mm, rexistrándose ente 60 y 80 díes lluviosos al añu y l'índiz d'evapotranspiración potencial ta ente 725 y 750 mm.
Flora y fauna Flora La vexetación arbórea autóctona de la zona ta compuesta principalmente por carbayos (Quercus robur), encines (Quercus ilex) y pinu de Alepo (Pinus halepensis) de la cual entá queden dellos restos. Les repoblaciones que se llevaron a cabu fueron principalmente de pinu de Alepo y pinu laricio d'Austria (Pinus nigra).
Demografía Evolución de la población
Política y alministración == Eleiciones municipales 2011 == Nes eleiciones municipales de 2011. L'Agrupación Vecinderu de Gallipiezo foi la llista más votada llogrando'l 68,88% de los votos y 4 de los 5 conceyales que cunta'l Conceyu de Galipentzu colo que la so candidata María Carmen Iriguíbel Sola foi reelixida como alcaldesa. En segundu llugar quedó Unión del Pueblu Navarro (UPN) que llogró'l 24,10% y un conceyal. Eleiciones municipales en GalipentzuPartíu políticu2011 Votos válidos Votos %Conceyales Vecinderu de Galipentzu 58 69,88% 4 Unión del Pueblu Navarro (UPN) 20 24,10% 1
Alcaldes Estos son los últimos alcaldes de Galipentzu Llista d'alcaldes Mandatu Nome del alcalde Partíu políticu 1979-1983 José Mateo Ibero Agrupación d'electores Nuevu Pobláu 1983-1987 1987-1991 1991-1995 1995-1999 1999-2003 2003-2007 Concepción Garralda Gorraiz Agrupación d'electores Vecinos de Galipentzu 2007-2011 María Carmen Iriguíbel Sola Agrupación d'electores Vecinos de Galipentzu 2011- María Carmen Iriguíbel Sola Vecinderu de Galipentzu
Arte, monumentos y llugares d'interés thumb|Vista xeneral de Galipentzu dende San Salvador
Monumentos relixosos Los sos monumentos relixosos más importantes son la ilesia de San Salvador y la Ilesia de San Pedro,
Ilesia de San Salvador Ye un conxuntu formáu por una cripta y sobre ella la ilesia alta que los sos oríxenes son de finales del sieglu XII anque la mayor parte d'ésti data de los sieglos XIV, XV y XVI.
Allúgase na parte más alta de la llocalidá y foi la so parroquia hasta qu'en 1785 esa función pasara a la ilesia de San Pedro.
La cripta tien función de salvar el desnivel que presenta'l terrén y faer posible la construcción de la cabecera de la ilesia alta. Ta formada por una única nave cubierta con bóveda de crucería simple con un ábside semicircular que se dixebra de la nave por aciu un arcu trunfal de mediu puntu sofitáu sobre columnes provistes de senciellos capiteles. L'ábside cunta con una ventana románica con guardapolvo de puntes de diamante y arquivolta baquetonada de mediu puntu sobre columnes remataes por capiteles.
La ilesia alta, data de finales del sieglu XIV. L'edificiu ta formáu por una sola nave con proporciones cuasi cuadraes con un ábside poligonal y esta cubierta por una bóveda de crucería y con un coru a los pies el cual atópase arruináu.
La puerta d'accesu, consta d'arcu apuntáu, formada, por arquivoltas bien fines, carente de tímpanu y de toa decoración escultórica.
Ilesia de San Pedro Ye la parroquia de la llocalidá dende 1640 y según paez foi construyida simultáneamente cola de San Salvador, calteniéndose de dicha dómina la so portada, bien similar a la d'ésta. L'edificiu foi cuasi totalmente reformáu a fines del sieglu XVIII.
Del so interior destaca'l retablu mayor contratáu en 1629 del que se caltuvo solo la escultura, obra de Juan de Berroeta, perdiéndose l'armazón realizáu por Juan de Huici.
N'interior de la ilesia tamién se caltién una talla de Virxe del Rosariu, que tien d'atribuyise tamién a Berroeta y otra de la Virxe de pies d'estilu góticu del sieglu XIV.
Cultura Fiestes y evento Romería a Javier 5 de mayu. Romería a Ujué Domingo más cercanu al 20 de mayu. Fiestes patronales 13 de xunetu n'honor a San Eugenio. Fiestes del 6 d'agostu.
Ver tamién Llista de conceyos de Navarra Merindad de Sangüesa Referencies
Enllaces esternos
Gallipienzo - Gobiernu de Navarra -Información y datos d'entidaes llocales de Navarra.
Categoría:Conceyos de Navarra Categoría:Llocalidaes de Navarra Categoría:Wikipedia:Mantenimientu:Llocalidaes d'España ensin partíu xudicial