Inocencio I foi'l papa nᵘ 40 de la Ilesia católica ente 401 y 417.
Yera natural d'Albano. Según el so contemporaneu, Jerónimo de Estridón, yera fíu del papa anterior, Anastasio I, probablemente l'únicu casu na historia en qu'un fíu asocede al so padre nel papáu.http://www.santiebeati.it/dettaglio/64800 Foi escoyíu'l 22 d'avientu de 401. Ordenó que tolos casos graves teníen que ser revisaos por él y nos demás acutábase'l derechu a intervenir. Exerció esti derechu en munches cuestiones diverses, especialmente naquelles rellacionaes coles celebraciones llitúrxiques.
El so gran amigu Juan Crisóstomo foi espulsáu como Patriarca de Constantinopla por cuenta d'hostilidaes personales cola emperatriz Elia Eudoxia y les intrigues de Teófilo de Alejandria. Inocencio I intervieno pa reintegrarlo a la so sede.
Enfrentóse firmemente a Pelagio y al pelagianismo, con tanta autoridá y decisión que Agustín d'Hipona, cuando lo supo, pronunció aquella famosa frase que aportó a un refrán: Roma locuta, causa finita ("Cuando Roma faló, la causa ta terminada"). Tamién condergó'l priscilianismo.
El 24 d'agostu de 410 el rei visigodu, Alarico, conquistó y escaló a Roma. Inocencio nun s'atopaba na ciudá, sinón que taba na corte imperial en Rávena tratando de faer negociaciones con Alarico. Cuando tornó a Roma fixo lo posible por reparar los daños fechos polos godos.
Morrió'l 12 de marzu de 417, polo que la so festividá celébrase dichu día, anque dende'l sieglu XIII hasta'l sieglu XX, conmemorábase'l 28 de xunetu.Calendarium Romanum (Libreria Editrice Vaticana, 1969), p. 132; Martyrologium Romanum (Libreria Editrice Vaticana, 2001 ISBN 978-88-209-7210-3) El so socesor foi Zósimo.
Referencies
Enllaces esternos
Obres. Carta de Jerónimo de Estridón a Inocencio: testu llatín nel Proyeutu Perseus.
Categoría:Papes Categoría:Papes santos Categoría:Santos y santes de la Ilesia católica Categoría:Santos y santes Categoría:Patroloxía Categoría:Persones de la Roma antigua