Jorge Menéndez Vallina ye un inxenieru de mines asturianu.
Biografía De 2011 a 2013 formó parte de la Corporación Municipal del Conceyu d'Uviéu, onde desempeñó'l cargu de Conceyal de Cultura, Deportes, Tráficu y Sanciones. Foi vicepresidente del Muséu de Belles Artes y primer presidente de la recuperada Fundación Municipal de Cultura d'Uviéu na última etapa d'esta institución.
Como conceyal de deportes del Conceyu d'Uviéu, destacó por ser el responsable de consiguir el sofitu del Real Madrid na ampliación de capital del Real Uviéu del añu 2012, na que'l club merengue donó 100.000€ para la compra d'aiciones del equipu carbayón.
Dende avientu de 2013 ye presidente del Real Uviéu (cargu al qu'apuerta col sofitu del Grupu Carso), siendo'l presidente que'l 31 de mayu de 2015 consigue devolver al Real Uviéu al fútbol profesional dempués de qu'esti equipu permaneciera mientres años en segunda división B y tercera.
Ver tamién Presidentes del Real Uviéu
Referencies
Enllaces esternos
Categoría:Políticos y polítiques d'Asturies Categoría:Conceyales nel Conceyu d'Uviéu Categoría:Presidentes del Real Uviéu Categoría:Persones d'Uviéu Categoría:Alumnáu de la Universidá d'Uviéu