Xente Gai Ástur, tamién conocida como XEGA, ye una asociación LGBT non gubernamental, aconfesional y ensin fines codalosos d'Asturies que llucha pola plena equiparación de derechos y contra toa forma de discriminación por orientación o identidá sexual (homofobia, bifobia y transfobia).Xente LGTB ÁSTUR - XEGA Forma parte de la Federación Estatal de Lesbianes, Gais, Transexuales y BisexualesFederación Estatal de Lesbianes, Gais, Transexuales y Bisexuales
Lleva en funcionamientu dende 1993El "Orgullín del Norte" celebra en Xixón los 25 años de Xega trabayando contra l'odiu y la discriminación sexual y na actualidá dispón de dellos grupos de trabayu (TRANSgresión, TríbadAS, XEGA Xoven, Grupu Cristianu...). Apocayá ingresó na FELGT (Federación Estatal de Lesbianes, Gais, Transexuales y Bisexuales) p'aunir esfuercios col restu d'asociaciones GLBT d'España.
Actividá Ente delles de les actividaes que desenvuelve l'asociación ensin ánimu d'arriquecimientu destaquen: Revista AGE: Asturies Gai, de publicación trimestral, na que se reflexa l'actualidá GLBT d'Asturies, entemecida con entrevistes a personaxes populares ente'l coleutivu (como Alaska, María Jiménez, etc), monográficos, un cómic... Premios Triángulu Rosa y Lladriyu Rosa, que se dan en xunu, coincidiendo coles fiestes del Arguyu, pa premiar y castigar respeutivamente a los personaxes públicos que más destacaron nel pasáu añu poles sos aiciones y/o declaraciones referentes al coleutivu GLBT n'Asturies.La Nueva España Participación en Día Internacional del Arguyu LGBT n'Asturies, Madrid... Participación nel Topu Fartón (chiringu que se pon nes fiestes de San Mateo na Plaza del Riego d'Uviéu) pa recaldar fondos y partir material.La Nueva España Organización de: charres de conocíos activistes, escritores, etc.; movilizaciones pa pidir a distintos conceyos que se solidaricen cola causa (colgando la bandera gai'l 28 de xunu, por casu) y munches otres actividaes que contribúin a la visibilidá y l'activismu que, adulces, tán consiguiendo meyores en materia de derechos y aceptación tantu n'Asturies como n'España y el restu del mundu. Actividaes en centros educativosActividaes de Xega en centros educativos de Xixón
Campaña de prevención del VIH/SIDA Unu de los sos principales campos d'actuación ye la campaña de prevención del VIH/SIDAComité Ciudadanu Anti Sida d'Asturies. Esti llabor tien tres vertientes: Concenciar a gais y lesbianes de la importancia d'adoptar práutiques de sexu seguro nes nueses rellaciones sexuales. Lluchar contra la discriminación escontra les persones seropositives. Denunciar l'usu de la enfermedá del sida como preséu de la homofobia. Primir a les alministraciones por que dediquen más esfuercios a la prevención del VIH y al tratamientu y sanamientu del sida.
Referencies
Ver tamién Festival de Cine LGBTIQ - Asturies
Enllaces esternos Páxina oficial de XEGA Facebook Twitter AsturieX.com Rede Lliberal Asturiana Comité Anti Sida d'Asturies
Categoría:Asociaciones LGBT d'España Categoría:Organizaciones d'Asturies