José Álvaro Díaz Huici ye un editor y escritor asturianu.
Trayeutoria Na so mocedá, estudió nel Colexu de la Inmaculada (promoción de 1975), de la Compañía de Xesús y ye llicenciáu en Filosofía y Lletres. Venceyáu siempres al mundu de la edición, ocupó cargos directivos en delles editoriales: ente 1981 y 1985 participa na creación y desenvolvimientu d'Ediciones Noega, centrada en publicaciones de calter lliterariu. Ente 1985 y 1990 dirixe GH Editores, y ente 1987 y 1989 fai lo propio en Urrieles Ediciones d'Arte, especializada n'obra gráfica y bibliofilia. Dende la fundación en 1991 d'Ediciones Trea, ocupa la so direición, lo mesmo que de Nigra Trea dende 1999. Como escritor, publicó Los Calteres de l'Agua (1980) y Introducción al Norte (2002).
Ente 1999 y 2003 foi conceyal del conceyu de Xixón pol PSOE.
Referencies
Enllaces esternos
Categoría:Políticos y polítiques de Xixón Categoría:Conceyales nel Conceyu de Xixón Categoría:Políticos y polítiques del Partíu Socialista Obreru Español Categoría:Alumnáu de la Universidá d'Uviéu