Antonio Sánchez Valdés , llamáu Antón, foi un futbolista y entrenador asturianu. Xugó práuticamente tola so vida deportiva nel Real Uviéu de la Primer División d'España, mientres los años 30 y 40.
Trayeutoria
Xugador Ingresó con 13 años nes categoríes inferiores del Real Uviéu. Debutó col primer equipu na temporada 1935-36 en Santander frente al Racing de Santander marcando dos de los seis goles que fixo'l Real Uviéu nesi alcuentru. El debú ante l'afición oviedista foi igualmente bonu al marcar un gol de los cinco que-y enxaretaron esi día al RCD Español.
Tenía la particularidá de que xugaba con una boina totalmente calada na cabeza. La razón d'esto ye que se quedó calvu bien nuevu y fadiábalu descomanadamente que lu llamaren vieyu dende la grada colo que tomó la resolución de xugar cola boina calada p'azorronar la calvez y acallantar los berros.
L'españíu de la Guerra Civil frenó'l desarrollu futbolísticu de Antón. Al reiniciase la competición na temporada 1939-40, el Real Uviéu pidió una dispensa a la Real Federación Española de Fútbol poles estroces sufiertos nel estadiu mientres la guerra. Antón xugó esa temporada cedíu nel Real Zaragoza.
Tornó al Real Uviéu na temporada 1940-41 y formó parte de la llamada Tercer delantrera llétrica xunto a Goyín, Echevarría, Herrerita y Emilín, mientres los meyores años de tola historia del Real Uviéu. Xugó en dichu club hasta la temporada 1949-50. En total nel Real Uviéu xugó 324 partíos, 252 de lliga, marcando 108 goles, 68 d'ellos en lliga, cuartu meyor goliador del Real Uviéu de tolos tiempos tres Herrerita, Lángara y Carlos.
Retirar del fútbol na temporada 1950-51 nel Círculo Popular de La Felguera.
Finó n'Uviéu'l día 30 d'ochobre de 2005.
Entrenador Entró a formar parte del cuerpu téunicu del Real Uviéu onde permaneció mientres 14 años. Como home de la casa fíxose cargu provisionalmente del equipu en dos causes distintos: en 1962 en sustitución d'Álvaro Pérez y en 1966 en sustitución de Francisco Antúnez.
Clubes ClubPaísAñuReal UviéuEspaña1935-1936Real ZaragozaEspaña1939-1940Real UviéuEspaña1940-1950Círculo Popular de La FelgueraEspaña1950-1951
Bibliografía
Referencies
Enllaces esternos
Categoría:Futbolistes d'Uviéu Categoría:Entrenadores de fútbol d'Asturies Categoría:Entrenadores del Real Uviéu