Antonio Veiga Suárez ye un empresariu y dirixente deportivu asturianu. Foi presidente del Real Sporting de Xixón ente 2013 y 2016.
Biografía Yera unu de los principales aicionistes del Real Sporting de Xixón desque'l club convirtiérase en sociedá anónima deportiva en 1992, pero nun foi nomáu conseyeru de la entidá hasta la etapa d'Ángel García Flórez como presidente, na temporada 1997/98. Sicasí, dimitió pocu dempués xunto con Juan Fernández-Nespral.
Volvió al conseyu d'alministración en xunetu de 1999, esta vegada con Juan Manuel Pérez Arango na presidencia, y pasó a ser vicepresidente del mesmu cuando Manuel Vega-Arango sustituyó a Pérez Arango nel añu 2002. El 21 de xunu de 2013 asumió la presidencia en funciones del Sporting en dimitiendo Manuel Vega-Arango y foi ratificáu nel cargu na Xunta Xeneral d'Aicionistes celebrada'l 10 d'avientu de 2013. El 22 de xunu de 2016 arrenunció al cargu y foi sustituyíu por Javier Fernández Rodríguez.
Referencies
Enllaces esternos
Categoría:Empresarios y empresaries d'Asturies Categoría:Presidentes del Real Sporting de Xixón Categoría:Persones de Siero