Armando Fernández Prieto, más conocíu como Mandi, foi un futbolista asturianu de la década de 1950 que xugó en dellos equipos de la Primer División d'España.
Trayeutoria Empezó la so carrera profesional nel Real Uviéu xugando a gran nivel ente 1951 y 1954. Debuta colos azules cuando éstos xueguen na Segunda División el 15 d'abril de 1951 nel antiguu estadiu Carlos Tartiere nun alcuentru que los carbayones pierden por 2-4 frente al Unión Deportiva Ourensana. Na temporada siguiente llogra l'ascensu a la máxima categoría, permaneciendo nella mientres dos temporaes más col equipu de la capital asturiana. El so debú na Primer División foi'l 14 de setiembre de 1952 nel Estadiu Metropolitanu de Madrid nel alcuentru qu'enfrentó al Real Uviéu col Atlético de Madrid (5-1) siendo Urquiri l'entrenador que lu fixo debutar. En total xuega 72 partíos oficiales col Real Uviéu, consiguiendo un total de 14 goles (en Primer División, 51 partíos y 9 goles). En 1954 ficha pol FC Barcelona, con quien xuega mientres tres temporaes xugando 27 alcuentros coles blaugranes y consiguiendo 3 goles. Una mancadura na rodía tórga-y xugar más partíos ya inclusive nun debutar cola Seleición Española. El 26 de xineru de 1955 apuesta un partíu cola Seleición de fútbol de Cataluña enfrentándose al Bolonia FC. En 1957 ficha pol Real Jaén CF que nesa temporada xuega na Primer División (14 partíos y 2 goles) anque a la fin de la mesma, l'equipu andaluz baxa a la categoría de plata. Años más tarde va defender los colores d'equipos asturianos de categoríes inferiores como'l Caudal Deportivo de Mieres o la Unión Popular de Langreo.
Trayectoria EquipuTemporada Real Uviéu 1950 - 1954 FC Barcelona 1954 - 1957 Real Jaén 1957 - 1958 UP Langreo 1962 - 1963
Palmarés Copa del Xeneralísimu de fútbol 1957
Referencies
Enllaces esternos
Categoría:Persones d'Uviéu Categoría:Futbolistes d'Uviéu Categoría:Futbolistes de la seleición masculina de Cataluña