Juan Vigil de Quiñones y Labiada foi un noble y eclesiásticu asturianu qu'ocupó les cátedres de Valladolid (1607-1616) y Segovia (1616-1617).
Biografía Nació en San Vicente de Caldones (provincia d'Uviéu), siendo fíu de Toribio Vigil de Quiñones y de Catalina de la Labiada, dambos de familia noble. Foi unviáu a estudiar a la Universidá de Salamanca, perteneciendo al colexu de San Pelayo, y en 1582 pasó al colexu de Santa Cruz de Valladolid, onde tuvo cátedra en Decretos. En 1589 foi promovíu a la Inquisición, y en 1607 nomáu obispu de Valladolid, onde se caltuvo hasta'l 18 de xunetu de 1616, que foi escoyíu obispu de Segovia, en socesión d'Antonio Idiáquez Manrique. Fixo la so entrada'l 25 d'ochobre del mesmu añu, día de San Frutos, patrón de la ciudá, y finó nella'l 1 de setiembre de 1617.
Foi enterráu de primeres na catedral de Segovia, y treslladáu en 1627 a la catedral d'Uviéu, onde xaz soterráu nuna capiya que mandó construyir pa ello.
Referencies
Enllaces esternos
Hestoria de la insigne ciudá de Segovia y compendiu de les hestories de Castiella, de Diego de Colmenares (1637), capítulu L.
Categoría:Obispos de Valladolid Categoría:Obispos de Segovia Categoría:Persones de Xixón