Luis Morán Sánchez ye un futbolista español que xuega de mediocampista nel Club Marino de Luanco de la Tercer División d'España.
Trayeutoria Formóse como futbolista nos equipos inferiores del Club Marino de Luanco antes de dar el saltu a la Escuela de fútbol de Mareo. Como xuvenil, ganó la Copa de Campeones en 2004 y, en 2005, pasó a formar parte de la plantía del Real Sporting de Xixón "B".
Debutó col Real Sporting de Xixón nel postreru partíu de la temporada 2006-07 en Segunda División. Al añu siguiente, incorporóse definitivamente al primer equipu raxón y consiguió l'ascensu a Primer División, marcando'l segundu gol del partíu definitivu ante la S. D. Eibar apostáu n'El Molinón. Nel mercáu d'iviernu de la temporada 2011-12 foi cedíu al AEK Larnaca de la Primer División de Xipre. El 31 d'agostu de 2012 rescindió'l so contratu col Sporting y el 31 de xineru de 2013 llegó a un alcuerdu pa incorporase a la plantía del C. D. Mirandés tres cinco meses ensin atopar equipu. Anotó los sos dos primeros goles cola camiseta del Mirandés na xornada 42 de la temporada 2012-13, na que'l so equipu venció por 2-1 al Sporting de Xixón. En desvenceyándose del club burgalés tornó a Xipre pa fichar pol Ermis Aradippou, col que se proclamó campeón de la Supercopa en 2014 en venciendo na final al APOEL de Nicosia. En febreru de 2015 llegó a un alcuerdu pa poner fin a la so estancia nel equipu y n'agostu fichó pol Olympiakos Volou de la Segunda División de Grecia.
En xineru de 2016 anuncióse'l so incorpración a la U. D. Logroñés hasta'l final de la campaña 2015-16.
Clubes ClubPaísAñuReal Sporting de Xixón "B"España2005-2007Real Sporting de XixónEspaña 2007-2012AEK LarnacaXipre2012C. D. MirandésEspaña 2013Ermis AradippouXipre 2013-2015Olympiakos VolouGrecia2015U. D. LogroñésEspaña 2016Othellos Athienou FCXipre 2016-2017Club Marino de LuancoEspaña 2017
Palmarés Campeonatos nacionales TítuluClubPaísAñuSupercopa de XipreErmis AradippouXipre2014
Referencies
Enllaces esternos
Categoría:Futbolistes d'Asturies Categoría:Persones de Gozón