Un arrascacielos ye un edificiu altu, con múltiples pisos, que ye habitable de contino. Les fontes modernes avecen a considerar un edificiu como rascacielos cuando mide más de 100 o 150 m d'altor, pero nun hai una definición universalmente aceptada. Los rascacielos son, por dicilo de forma cenciella, edificios de gran altor peraltos. La empresa Emporis, especializada en datos d'edificios, define nos sos estándares un edificiu de gran altor como cualesquier estructura con un altor construyíu d'ente 35 y 100 metros de altor, y cualesquiera con un númberu de pisos d'ente 12 y 39 pisos, magar que nun se conoza exactamente'l so altorDefinición d'edificiu de gran altura (high-rise building) nos estándares d'Emporis.. Nel mesmu sen, define rascacielos, reconociendo la esistencia de delles definiciones estremaes a lo llargo'l mundu y tentando d'algamar un consensu que pudiera aplicase universalmente, como l'edificiu de múltiples pisos con un altor construyíu de más de 100 mDefinición de rascacielos nos estándares d'Emporis.. Un rascacielos puede abellugar, amás de viviendes, oficines, hoteles y espaciu comercial.
Una característica común de los arrascacielos, que los estrema de los otros edificios de gran altor, ye que tienen un armazón d'aceru, nel que se sofiten muries cortina que formen les fachaes. Estos, en cuenta de descansar en muries de carga, como ye vezu na construcción convencional, tán o bien sofitaos na cadarma, na parte inferior, o suspendíos d'elli na parte superior. Esta estructura permite tener una gran superficie con ventanes, magar que tamién ye posible construyir muries cortina d'estructura asemeyada a les muries convencionales y, poro, con poca superficie acristalada. Los rascacielos más modernos avecen a tener una estructura tubular, de forma que pueden actuar como un cilindru güecu pa resistir la fuercia del aire o los terremotos.
En xineru de 2020 había nueve ciudaes que teníen más de 100 rascacielos de más de 150 m d'altor: Ḥong Kong (355), Shenzhen (289), Nueva York (284), Dubái (201), Shanghai (163), Tokiu (158), Mumbai (151), Chicago (130), Chongqing (127) y Cantón (118).
Definición miniaturadeimagen|319x319px|Hai dél consensu en que'l primer rascacielos foi esti edificiu con una estructura mayoritaria de perfiles d'aceru: el Home Insurance Building, construyíu en 1885 y demolíu en 1931. El términu "rascacielos" apareció a finales del sieglu XIX pa denomar los edificios d'armazón d'aceru de polo menos 10 pisos, como un reflexu del plasmu que producíen na xente los edificios altos qu'entamaron a construyise en ciudaes d'Estaos Xuníos como Chicago, Nueva YorkAmbrose G, Harris P, Stone S, The Visual Dictionary of Architecture, p. 233. AVA Publishing SA, 2008. ISBN 978-2-940373-54-3.
Rascacielos: Un edificiu alto y con varios pisos. Los rascacielos estrémense de les torres o los mástiles porque son habitables. El términu aplicose por primer vegada a finales del sieglu XIX, cuando'l públicu maravillábase al ver los altos edificios con armazón d'aceru que taben construyéndose en Chicago y Nueva York (EEUU). Los rascacielos modernos avecen a construyise con formigón armao. Como norma xeneral, un edificiu ha tener polo menos 150 m d'altor pa poder ser consideráu un rascacielos., Filadelfia, Detroit y Saint Louis. El primer rascacielos con armazón d'aceru foi'l edificiu Home Insurance Building, construyíu con 10 pisos y un altor de 42 m en Chicago en 1885; posteriormente, añadiéronse-y dos pisos másSkyscrapers, artículu na web Magycal History Tour (15 d'agostu de 2010).. Dellos autores atribúin-y el calter de protorrascacielos a otros dos edificios, el Jayne Building, de 10 pisos, construyíu en Filadelfia en 1849-50Peterson CE, Ante-Bellum Skyscraper. Journal of the Society of Architectural Historians, 1950;9(3):25-28.
Nos anales del rascacielos d'Estaos Xuníos nun hebo, quiciás, nada más atrevíu que'l diseñu de John McArthur Jr. pal edificiu de granitu Jayne, llevantáu na parte baxa de la cai Chestnut, cerca la fachada fluvial de Filadelfia, fai un sieglu. Más de una xeneración más vieyu que los emponderaos trabayos de Louis Sullivan en Chicago y Saint Louis. (...) Sullivan trabayó, dellos meses, como aprendiz de dibuxante na oficina de Furness and Hewitt's, xustu enfrente del edificiu. Y magar que nun parez que mencionara nos sos escritos la "arguyosa ya imponente" sede de la empresa de patentes médiques del doctor Jayne, podemos xustamente preguntarnos si dalgunos de los sos famosos diseños de rascacielos de Chicago y Saint Louis nun tienen una delda real con Filadelfia. y el Equitable Life Building, de 7 pisos, construyíu en Nueva York en 1870, pero en dambos casos el diseñu de les sos estructures, un amiestu de lladriyu, granitu y fierro, llimitaba'l so altor. Ye'l desarrollu de la construcción d'edificios con una cadarma d'aceru lo que permitió la construcción de los rascacielos superaltos d'anguaño. Sicasí, la decisión de cuálu foi'l primer rascacielos, y por qué, depende enforma de qué factores consideremosPeterson I, The first skyscraper - new theory that Home Insurance Building was not the first. Artículu na web CBS Interactive (5 d'abril de 1986).
"Na mio opinión, nun ye posible afirmar que'l Home Insurance Building foi'l primer rascacielos", diz Carl W. Condit, profesor xubiláu de la Northwestern University de Evanston (Illinois), y autor de dellos llibros sobre l'arquitectura de Chicago. "La afirmación sofítase nuna inaceptablemente estrencha idea de qué ye un edificiu comercial de gran altor", afirma. "Si hai un edificiu nel que tolos factores técnicos (sistema estructural, ascensores, servicios públicos) axúntense con el nivel necesariu de madurez esi ye'l Equitable Life Assurance Building en Nueva York". Completáu en 1870, l'edificiu tenía 7 pisos y mediu, el doble d'altor que los que lu arrodiaben..
La definición estructural de la pallabra rascacielos foi posteriormente afinada polos historiadores de l'arquiteutura sobre la base de los avances nel campu de la inxeniería que permitieron la construcción d'edificios altos de munchos pisos. La definición basose na esistencia d'una cadarma d'aceru, que contraponía a esti nuevu tipu d'edificios a los construyíos con muries de carga en diversos tipos de materiales d'albañilería (piedra, lladriyu, bloque de formigón...), qu'algamaron el cumal del so desarrollu nel edificiu Monadnock Building (el más altu del mundu con muries de carga de lladriyu, con 16 plantes), acabáu de construyir en Chicago en 1891. Dellos inxenieros estructurales dan una definición alternativa: pa ellos, un rascacielos ye cualesquier construcción vertical na que'l vientu representa un factor de carga más importante que'l pesu o los posibles terremotos. Hai que facer notar, a esti respectu, qu'esta definición habría incluir non solo a los rascacielos, sinón a otres estructures altes, como les torres.
Diferentes organizaciones europees y americanes definen como rascacielos a los edificios de polo menos 100 o 150 m d'altor"Which World City Has The Most Skyscrapers?" . The Urban Developer, 11 de marzu de 2016. "La mayoría de les organizaciones internacionales, como'l CTBUH y Emporis, definen rascacielos como un edificiu que tien 150 m o más d'altor"., y llamen rascacielos superaltos (supertall) a los que miden más de 300 m y rascacielos megaaltos (megatall) a los d'un altor mayor de 600m.
Historia La estructura más alta de l'Antigüedá foi la Gran Pirámide de Guiza, nel Antiguu Exiptu, construyida nel sieglu XXVI e.C. El so altor nun habría ser superáu demientres bien de cientos d'años: el primer edificiu en llogralu foi la catedral de Lincoln, que midió 160 m ente 1311 y 1549, cuando esbarrumbó la so aguya centralSantos C, When Lincoln Cathedral was the tallest building in the world , artículu en The Lincolnite (6 de payares de 2013).. Y el segundu, cinco sieglos dempués, el Monumentu a Washington, de 169 m d'altor, acabáu en 1884. Sicasí, denguna d'estes estructures arquiteutóniques taben habitaes, polo que nun s'axusten a la definición moderna de rascacielos.
Los edificios de gran altor nun yeren desconocíos na Antigüedá clásica. Les insulae (mazanes de cases) de les ciudaes imperiales romanes podíen tener inclusive más de 10 pisos d'altorAldrete GS, Daily Life in the Roman City: Rome, Pompeii and Ostia, p. 79f. 2004. . Dellos emperadores, entamando por Augustu, tentaron d'afitar llendes pa que los edificios de varies plantes nun tuvieran más de 20-25 m d'altor, pero con ésitu escasuMcKay AG, Römische Häuser, Villen und Paläste, p. 231. Feldmeilen, 1984. . Les plantes baxes d'esos edificios ocupábenles tiendes o families riques, y les altes alquilábense a xente de les clases baxes. Los papiros d'Oxirrincu recueyen que na ciudá d'Hermopolis, nel Exiptu romanu, una ciudá provincial, había edificios de siete pisos"Papyrus Oxyrhynchus 2719", en Lembke K, Fluck C, Vittmann G, Ägyptens späte Blüte. Die Römer am Nil, p. 29. Mainz, 2004. . miniaturadeimagen|240x240px|Ciudá yemení de Shibam, la Manhattan del desiertu, que conserva los edificios de lladriyu de barru más altos del mundu, que la so construcción remóntase al sieglu XVI. El paisaxe arquiteutónicu de munches de les principales ciudaes medievales europees incluyía un bon númberu de torres de gran altor, construyíes polos ricos con envís defensivu y de símbolu d'estatus. Na ciudá italiana de Boloña, nel sieglu XII, había hasta 80 o 100 al tiempu, y calcúlase que foron construyíes unes 180 en dos sieglos. La mayor d'ella foi la torre Asinelli, de 97,2 m d'altor. En Florencia, por otra parte, una llei de 1251 obligaba a reducir tolos edificios de la ciudá a un altor máximu de 26 mMüller W, "dtv-Atlas Baukunst I. Allgemeiner Teil: Baugeschichte von Mesopotamien bis Byzanz", 14th ed., p. 345. 2005. . Inclusive las ciudaes de medianu tamañu d'esa dómina teníen bien de torres, como les 72 qu'había en San Gimignano, con un altor máximu de 51 m.
La ciudá medieval exipcia de Fustat había munchos edificios residenciales de gran altor; d'ellos dixo'l xeógrafu Al-Muqaddasi, nel sieglu X, que semeyaben minaretes. Según Nasir Khusraw, ún de los mayores escritores de la lliteratura persa y gran viaxeru, a principios del sieglu XI habíalos hasta de 14 pisos, con xardinos nel teyáu que yeren regaos por nories hidráuliques tiraes por güesBehrens-Abouseif D, Islamic architecture in Cairo, p. 6. Brill Publishers, 1992. ISBN 978-90-04-09626-4. En El Cairu, nel sieglu XVI, había edificios d'apartamentos de gran altor nos que los dos pisos inferiores sirvíen de tienda y almacén y los múltiples pisos superiores yeren arrendaos a inquilinosMortada H, Traditional Islamic principles of built environment, p. VIII. Routledge, 2003. ISBN:978-0-7007-1700-2. Un exemplu de ciudá formada namái por edificios residenciales de gran altor ye la de Shibam, en Yeme, nel sieglu XVI. Shibam taba formada por más de 500 cases-torreCiudá vieya amurallada de Shibam, na web del UNESCO World Heritage Centre., caúna con un númberu variable de pisos d'ente 5 y 11, con un únicu apartamentu, ocupáu por una única familia, en cada piso. La ciudá foi construyida asina pa protexela meyor de los ataques de los beduinos. Shibam entá tien los mayores edificios de lladriyu de barru del mundu: consérvense munchos de más de 30 m d'altor, lo que fai que se-y dea'l nomatu de el Manhattan del desiertuZerkel E, The Ancient City of Shibam: The Manhattan of the Desert, artículu na web weather.com (9 de payares de 2013)..