Nicanor Alvarado Casanova de Sotomayor, marqués de Trives, nado na Pobra de Trives (A Pobra de Trives) o 12 de xaneiro de 1830 e finado en Madrid o 16 de xullo de 1896, foi un político galego.
Traxectoria miniatura|225px|Pazo do Marqués na Pobra de Trives.
Fillo de Buenaventura Alvarado Núñez e Jacinta Casanova Domínguez de Losada. Estudou dereito na Universidade de Salamanca e inglés e francés en ámbolos dous países. Dedicouse dende moi novo á política, militando no Partido Moderado. Foi elixido deputado a Cortes polo distrito da Pobra de Trives nas eleccións de 1858, 1863 e 1871. Na Restauración volveu ser elixido deputado polo distrito da Pobra de Trives nas eleccións de 1876, 1879, 1884 e 1891. En 1887 foi elixido senador pola provincia de Ourense e en 1891 foi nomeado senador vitalicio.
O 17 de maio de 1875 Afonso XII concedeulle o título de Marqués de Trives.
Vida persoal Casou con Carlota Barroeta-Aldamar, coa que tivo unha única filla, Jacinta Alvarado Barroeta-Aldamar que foi a segunda Marquesa de Trives.
Véxase tamén Ligazóns externas Marquesado de Trives
Categoría:Deputados de Galicia no Congreso dos Deputados Categoría:Senadores de Galicia Categoría:Nados na Pobra de Trives Categoría:Nados en 1830 Categoría:Finados en 1896 Categoría:Alumnos da Universidade de Salamanca