Édouard Louis Trouessart, nado o 25 de agosto de 1842 en Angers e finado o 30 de xuño de 1927 en París, foi un zoólogo francés.
Traxectoria Fillo dun profesor de física da Universidade de Poitiers, Trouessart foi educado en Angers e Poitiers antes de entrar na escola de Medicina militar de Estrasburgo. A causa de graves problemas de saúde, tivo que abandonar os estudos.
En 1864 pasou a ser profesor de física na Universidade de Poitiers, e desde entón consagrouse ao estudo da Historia natural. Regresou aos estudos de medicina e obtivo o seu doutoramento en 1870. Serviu no exército francés durante a guerra franco-prusiana.
Despois de servir no hospital de Villevêque, dirixiu entre 1882 e 1884 o museo de Angers e ensinou historia natural no liceo da cidade. En 1885 instalouse en París, onde frecuentou a compañía de Alphonse Milne-Edwards (1835-1900), a quen axudou como voluntario.
A morte de Émile Oustalet (1844-1905) permitiulle obter a cátedra de Zooloxía (mamíferos e aves), posto que conservou até 1926.
Dedicouse principalmente ao estudo dos mamíferos e dos ácaros, ademais das aves. Entre as súas obras cómpre destacar Catalogus mammalium tam viventium quam fossilium (1899) e Faune des Mammifères d'Europe (1910). En 1901 accedeu á presidencia da Sociedade Zoolóxica de Francia.
Algunhas publicacións 1886 - Les microbes, les ferments et les moisissures. Avec 107 figures dans le texte. 1893 - Au bord de la mer: géologie, faune et flore des côtes de France de Dunkerque à Biarritz. 1899 - Catalogus mammalium tam quam viventium fossilium. 1910 - Faune des Mammifères d’Europe. 1922 - La distribution géographique des animaux.
Abreviatura A abreviatura Trouessart emprégase para indicar a como autoridade na descrición e taxonomía en zooloxía.
Categoría:Científicos de Francia Categoría:Zoólogos de Francia Categoría:Escritores en lingua latina Categoría:Escritores en lingua francesa Categoría:Alumnos da Universidade de Poitiers Categoría:Nados en Angers Categoría:Nados en 1842 Categoría:Finados en 1927