Brayan Andrés Perea Vargas, alcumado El Coco, nado o 25 de febreiro de 1993 en Cali, é un futbolista profesional colombiano, que xoga como dianteiro na Società Sportiva Lazio da Serie A italiana. É internacional coas categorías inferiores da .
Traxectoria Nado en Cali, Perea desenvolveuse futbolisticamente no principal equipo da súa cidade natal, o Deportivo Cali. Co equipo colombiano conquistou en 2012 o Campionato Postobon sub-19. O xogador contribuíu ao título do seu equipo marcando un hat-trick na final contra o Atlético Nacional. A consecución deste título permitiu ao equipo participar na Copa Liberadores sub-20. Debido á súa gran proxección, onde destaca a súa velocidade, efectividade e remate de cabeza, debuta no primeiro equipo na máxima categoría colombiana o 10 de setembro de 2011 ante o Boyacá Chicó. Nese encontro entra no minuto 77 en substitución de Cesar Amaya. Posteriormente alterna o xuvenil co primeiro equipo, onde se fai un oco no once inicial. As súas boas actuacións, sobre todo na Copa Libertadores sub-20, chaman a atención de importantes clubs europeos.
Aínda que se rumoraba a súa fichaxe polo Udinese italiano, onde sería cedido ao Watford, finalmente é contratado pola Società Sportiva Lazio da Serie A o 11 de febreiro de 2013, pagando por el un total de 2,5 millóns de euros. Despois da súa participación no Mundial de Fútbol sub-20, viaxou rumbo a Italia, aínda que ten que regresar a Colombia durante o inicio da Serie A, debido a que a cota de estranxeiros do club estaba chea, especulándose unha posible cesión a outro club. Porén, a situación foi remediada e Perea puido unirse á disciplina do club romano. A súa primeira combocatoria fou para xogar o "Derby della Capitale" ante a AS Roma, correspondente á cuarta xornada da temporada 2013−14. Porén, non debuta en liga até a semana seguinte, xogando os últimos 20 minutos do partido na vitoria do seu equipo por 3-1 fronte o Catania.
O seu primeiro partido como titular cos Biancocelesti foi na UEFA Europa League 2013−14 ante o Trabzonspor turco, dando dúas asistencias cruciais no empate a tres do seu equipo e xogando os 90 minutos do encontro. O seu primeiro gol en Liga chega na derrota por 2-1 ante o ao Atalanta pondo a igualdade transitoria do xogo. O seu primeiro gol continental chega coa vitoria 0-2 da Lazio fronte ao Legia Varsovia de Polonia pondo o 1 a 0 parcial do xogo. Anota o seu primeiro dobrete coa Lazio fronte ao Parma nos oitavos de final da Copa Italia marcando o primeiro e o segundo gol na vitoria 2-1, marcando a poucos momentos do final do partido para certificar a clasificación do seu equipo á seguinte rolda.
Pazra gozar de máis minutos é cedido ao ano seguinte ao Perugia Calcio, onde xoga 16 partidos anotando un gol. Ao ano seguinte xoga no fútbol francés, saíndo cedido ao Troyes AC da Ligue 1. Debutou no equipo galo o 23 de agosto de 2015, entrando no minuto 68 da derrota do seu equipo por 6-0 ante o Olympique de Marseille. O seu primeiro gol sería o 28 de outubro na Copa de Francia na derrota por 2-1 contra o Lille OSC.
Clubs ClubCategoríaAnoPXGolesDeportivo CaliLiga Águila (1ª)Copa Águila201110903Deportivo CaliLiga Águila (1ª)Copa Águila201228661Deportivo CaliLiga Águila (1ª)2013165SS LazioSerie A (1ª)Coppa ItaliaEuropa League2013–20141926122PerugiaSerie B (2ª)2014–2015161Troyes ACLigue 1 (1ª)Coupe de France2015–201612101LugoLaLiga22016–2017110
Palmarés Colombia Copa América sub-20 (2013)
Notas
Véxase tamén Ligazóns externas Datos do xogador en bdfutbol.com Datos do xogador en Transfermarkt Datos do xogador en Soccer Way
Categoría:Nados en 1993 Categoría:Nados en Cali Categoría:Futbolistas de Colombia Categoría:Dianteiros de fútbol Categoría:Xogadores do Deportivo Cali Categoría:Xogadores do SS Lazio Categoría:Xogadores do AC Perugia Categoría:Xogadores do Troyes AC Categoría:Xogadores do CD Lugo