Diego López Ballesteros Pérez de Santamaría, nado no Pazo da Golpilleira (Vilagarcía de Arousa) o 1 de novembro de 1804 e finado no mesmo concello o 29 de marzo de 1869,El Eco de Pontevedra, 30-3-1869, p. 3.El Pensamiento Español, 31-3-1869, p. 4. foi un político español, ministro durante o reinado de Isabel II. Traxectoria Fillo do ministro de Fernando VII, Luis López Ballesteros, estudou dereito e foi elixido deputado pola provincia de Pontevedra en 1837, 1839, 1840, 1843, 1844, 1846, 1850, 1851, 1857, 1858, 1863 e 1865, e foi nomeado Director Xeral de Renda e Arbitrios de Amortización.
Foi vicepresidente do Congreso dos Deputados de España entre 1859 e 1862 e presidente entre decembro de 1862 e agosto de 1863, exerceu tamén o cargo de ministro de Ultramar coa presidencia de Alejandro Mon Menéndez entre marzo e setembro de 1864."López Ballesteros, ministro de ultramar", Faro de Vigo, 22-6-2014.
Notas
Categoría:Deputados de Galicia no Congreso dos Deputados Categoría:Presidentes do Congreso dos Deputados Categoría:Ministros de España Categoría:Nados en Vilagarcía de Arousa Categoría:Nados en 1804 Categoría:Finados en 1869