Yago Lamela Tobío, nado como Santiago Lamela en Avilés, o 24 de xullo de 1977 e finado na mesma cidade o 8 de maio de 2014, foi un atleta español, fillo de galegos, que competiu no salto de lonxitudeEl Mundo http://www.elmundo.es/deportes/2014/05/08/536bbb8c22601d2c478b4578.html, e en menor medida, no triplo salto. Traxectoria O seu pai, finado en 2021, era un enxeñeiro de Lira que, despois de traballar en Cee (onde naceron varios irmáns de Lamela), emigrara a Asturias a mediados da década dos setenta. A nai tamén era galega. O pai mudoulle o nome de Santiago a Yago sendo o atleta aínda un rapaz. Yago Lamela seguiu a manter o contacto con Lira en veráns e vacacións.
Empezou a competir en atletismo na Atlética Avilesina, o club local, logo de iniciarse correndo cros . Con oito anos saltou xa máis de catro metros, con trece chegou aos 6 m, con 15 sobardou os 7 metros e con 18 superou en dúas ocasións os 8 m. O seu primeiro adestrador na Avilesina chamouse Carlos Alonso.
Ao rematar o bacharelato accedeu a unha bolsa da Universidade de Iowa, onde estudou Informática e onde adestrou con Juan José Azpeitia, que sería o seu adestrador de novo ao final da súa carreira deportiva. Despois de Iowa adestrou con Juan Carlos Álvarez no Centro de Alto Rendemento de San Cugat e con Rafael Blanquer.
O mellor ano de Yago Lamela foi 1999, o seu primeiro ano de competición, cando saltou 8,56 e conseguiu a medalla de prata no Mundial en pista cuberta en Maebashi (Xapón). Esa marca de 8,56 en pista cuberta foi récord europeo, e mantívose así durante unha década. Mantívose na elite da alta competición até 2004, con marcas que normalmente superaban os 8 metros. Durante ese tempo enfrontouse en diversas ocasións con Iván Pedroso, o líder mundial da especialidade na época. Porén, as súas participacións olímpicas foron de menor alcance, mancado polas lesións.
Lesións A comezos de 2004 empezou a sentir dor no tendón de Aquiles, como consecuencia dunha tendinose, unha condición crónica. A dor levouno a competir anestesiado nos Xogos de Atenas 2004, onde chegou á final pero non obtivo medalla. Ao pouco dos Xogos operouse en Finlandia, pero a recuperación tardou máis do que estaba previsto, e complicouse cun accidente de tráfico. En 2006, un par de semanas antes de reaparecer en competición, rompeu os dous tendóns.
En abril de 2007 operouse de novo en Finlandia, intervención cirúrxica que foi seguida dun tamén longo proceso de recuperación. En 2009, sen chegar a volver á competición a pleno rendemento, esgazou o papo da perna nun adestramento. Ao pouco, o saltador alemán Sebastian Bayer, nos campionatos de Europa de Turín, saltou 8,71 metros e superou o récord de Lamela por 15 centímetros. Dous días despois, o 11 de marzo de 2009, Yago Lamela anunciaba oficialmente a súa retirada.
Despois da retirada Despois da súa retirada a súa saúde mental deteriorouse. En xuño de 2011, o xa daquela ex-atleta ingresou na unidade de psiquiatría do hospital San Agustín de Avilés. Padecía depresión crónica. Tres anos despois, o 8 de maio de 2014, atoparon a Lamela morto na casa dos pais. O forense sinalou que a causa da morte fora un ataque ao corazón.Reports say Lamela death was heart attack
Mellores marcas
Salto de lonxitude - 8,56 (1999), en pista cuberta. Triplo salto - 16,72 (1998)
En 2021 seguía posuíndo os récords de España de salto de lonxitude, tanto en pista cuberta como ao aire libre, os dous en 8,56.
Principais competicións
Representando a 1994Campionato do Mundo de Atletismo júniorLisboa14ºTriplo salto15,47 m (vento: +0.1 m/s)1995Campionato de Europa de Atletismo júniorNyíregyháza (Hungría)12ºTriplo salto14,79 m1996Campionato do Mundo de Atletismo júniorSydney4ºSalto de lonxitude7,73 m (vento: +0.4 m/s)1998Campionato de Europa de Atletismo en pista cubertaValencia5ºSalto de lonxitude7,95 mCampionatos IberoamericanosLisboa1ºSalto de lonxitude8,12 mCampionato de Europa de AtletismoBudapest8ºSalto de lonxitude7,93 m1999Campionato do Mundo de Atletismo en pista cubertaMaebashi (Xapón)2ºSalto de lonxitude8,56 mCampionato de Europa de Atletismo sub23Gotemburgo1ºSalto de lonxitude8,36 m (vento: +0.7 m/s)Campionato do Mundo de AtletismoSevilla2ºSalto de lonxitude8,40 m2000Xogos OlímpicosSydney19ºSalto de lonxitude7,89 m2002Campionato de Europa de Atletismo en pista cubertaViena2ºSalto de lonxitude8,17 mCampionato de Europa de AtletismoMúnic3ºSalto de lonxitude7,99 m2003Campionato do Mundo de Atletismo en pista cubertaBirmingham2ºSalto de lonxitude8,28 mCampionato do Mundo de AtletismoParís3ºSalto de lonxitude8,22 m2004Campionato do Mundo de Atletismo en pista cubertaBudapest9ºSalto de lonxitude7,95 mXogos OlímpicosAtenas11ºSalto de lonxitude7,98 m
Notas
Categoría:Finados en 2014 Categoría:Nados en 1977 Categoría:Atletas olímpicos de España Categoría:Saltadores de lonxitude Categoría:Atletas nos Xogos Olímpicos de 2000 Categoría:Atletas nos Xogos Olímpicos de 2004