Cenlle é un lugar da parroquia de Cenlle, no concello ourensán de Cenlle, na comarca do Ribeiro. Segundo o IGE, en 2022 tiña 195 habitantes (88 homes e 107 mulleres). É a capital tradicional do concello (e ao que lle dá nome) de Cenlle, na actualidade e dende tempos da guerra civil esta capitalidade dispútase entre Xubín (núcleo situado ó pé do Miño) e o propio Cenlle.
Historia A tradición oral fala da escasa antigüidade (aprox. 200 anos) deste núcleo que se conforma como o punto equidistante entre os lugares de poboación mais antigos: A Pena, Roucos e Názara, para a construción da súa igrexa parroquial, aínda que documentos históricos testemuñan a existencia de poboamento moito antes.
A poboación carece de edificios brasonados ou señoriais de mérito.
Patrimonio miniatura|dereita|Peto de ánimas. miniatura|dereita|Cruceiro de ánimas. O interese artístico da igrexa (1860) reside na escultura de Santa Lucía, do século XVI, das máis singulares obras do Mestre de SobradoMartín González-González Paz, 1986, 78.
O peto de ánimas hoxe acaroado a cabeceira e antes no adro, presenta un pequeno retablo no cal se alude ao poder do Espírito Santo en forma de pomba no alto, tendo á dereita a San Antonio e á esquerda a Virxe María que mostra por debaixo un grupo de catro ánimas, estando dous dos extremos prendidos do escapulario da Virxe e do Neno. Conserva parte do seu policromado. Trátase dun peto de tipo aberto, cun fornelo rectangular coroado por unha cruz sobre un cubo e acompañada de dous pináculos.Aparece no libro "Os petos de ánimas de Ourense", fotografía n12 A e B.
Na praza, fronte a igrexa parroquial, está o Cruceiro de ánimas. Sobre un cubo, coa representación das ánimas sitúase unha columna cadrada con símbolos da Paixón de Cristo. No fuste, aparece a Verónica portando o seu pano, no pano vese a faciana de Cristo. Por riba do capitel, sitúase a imaxe de Cristo na cruz e un anxo que porta o Santo Graal. Polo reverso vese unha Virxe sobre a cabeza do anxo co fillo morto nos brazos. O cruceiro estivo, en tempos, totalmente policromado, polo menos a parte superior do mesmo. Tamén tivo caixa de esmolas, pero agora aparece totalmente tupido polo cemento. Sitúase xusto baixo as tres ánimas. Pola fronte do fuste aparece gravado: “ANO DE 1877” e pola parte traseira: “FEZ M G” (fíxome Manuel González).
Existe outro cruceiro con peaña de tres chanzos e pousadoiro, chamado “de procesión” na Praza da Tenencia moi cerca deste.
Lugares e parroquias Lugares de Cenlle
Parroquias de Cenlle
Notas
Véxase tamén Outros artigos Lugares de Cenlle
Categoría:Lugares de Cenlle