Nemanja Tošić (en ), nado en Belgrado o 23 de xaneiro de 1997, é un futbolista serbio que xoga como defensa no Anorthosis Famagusta de Chipre. Aínda que xoga habitualmente como lateral esquerdo, tamén pode facelo como central.
Traxectoria Formado como futbolista na canteira do Estrela Vermella de Belgrado, en agosto de 2015 saíu cedido ao Rakovica. En xaneiro do ano seguinte, despois de disputar só 11 partidos, fichou polo Sinđelić Beograd da Primeira Liga de Serbia, segunda categoría do fútbol serbio. Asentado rapidamente na titularidade, disputou 44 partidos co club.
En xaneiro de 2018 fichou polo Mačva Šabac, co que debutou na SuperLiga serbia o 17 de febreiro nunha derrota por 2-0 ante o Čukarički.
Despois de dous anos e medio en Mačva, en xullo de 2020 regresou ao seu Belgrado natal para asinar co Čukarički, tamén da máxima categoría. Titular indiscutible, contribuíu a que o equipo acadase a final da Copa de Serbia en 2023, na que caeron ante o Estrela Vermella. Co equipo branco acumulou máis de 100 partidos e debutou na UEFA Europa League e na UEFA Conference League.
O 24 de xuño de 2024 anunciouse a súa fichaxe polo FC Zürich da Super Liga suíza. Debutou no fútbol helvético o 20 de xullo, saíndo como titular nunha vitoria por 0-2 ante o Yverdon-Sport, pero caeu lesionado aos 25 minutos, tendo que ser substituído. Tras perder varias xornadas, reapareceu en setembro, pero dispuxo de poucos minutos de xogo durante os seguintes meses.
O 3 de febreiro de 2025, no derradeiro día do mercado invernal, anunciouse a súa cesión ao Deportivo da Coruña, da Segunda División. Debutou co equipo galego na derrota por 0-2 diante do Eldense no Nuevo Pepico Amat, substituíndo no segundo tempo a Rafael Obrador, que sufrira un golpe de calor no final da primeira metade. Con todo, apenas contou con tempo de xogo no equipo de Óscar Gilsanz, disputando só 365 minutos como lateral esquerdo.
Na primeira metade da tempada 2025/26 volveu saír cedido, desta vez ao FK Čukarički do seu Belgrado natal. No conxunto serbio recuperou a titularidade, disputando 10 encontros ata decembro, case todos saíndo dende o once inicial.
No mercado invernal fichou polo Anorthosis Famagusta de Chipre, onde pasou a xogar como defensa central, asentándose rapidamente na titularidade.
Selección nacional En abril de 2015 disputou dous partidos amigables coa selección serbia sub-18.
Estatísticas ClubTempadaDivisiónLigaCopaEuropaInclúe partidos de fase previa da Liga de Campións e de Conference League.TotalPartidosGolesPartidosGolesPartidosGolesPartidosGolesSinđelić Beograd2015/16Primeira Liga 140----1402016/17Primeira Liga 170----1702017/18Primeira Liga 12010--130Total club4301000440Mačva Šabac2017/18Superliga10020--1202018/19Superliga25010--2602019/20Superliga18010--190Total club5304000570Čukarički2020/21Superliga19010--2002021/22Superliga 18 2 00-- 1822022/23Superliga 31 3 3010 3532023/24Superliga3111060381Total club89650701016Zürich2024/25Super Liga10010--110Deportivo da Coruña2024/25Segunda7000--70Total carreira 202 6 11070 2206
Notas
Categoría:Nados en Belgrado Categoría:Nados en 1997 Categoría:Futbolistas de Serbia Categoría:Defensas de fútbol Categoría:Xogadores do Estrela Vermella de Belgrado Categoría:Xogadores do FK Mačva Šabac Categoría:Xogadores do FC Zürich Categoría:Xogadores do Deportivo da Coruña Categoría:Xogadores do Anorthosis Famagusta FC