Tmux é un multiplexor de terminal de código aberto para sistemas operativos Unix-like. Permite acceder a múltiples sesións de terminal simultaneamente nunha única xanela. É útil para executar máis dun programa de liña de comandos ó mesmo tempo. Tamén se pode usar para desanexar procesos dos seus terminais de control, permitindo que as sesións remotas permanezan activas sen ser visibles.
Características tmux inclúe a maioría das características de GNU Screen. Permite aos usuarios iniciar unha sesión de terminal con clientes que non están vinculados a unha consola física ou virtual específica; pódense crear múltiples sesións de terminal dentro dunha única sesión de terminal e despois reanexar libremente dunha consola virtual a outra, e cada sesión pode ter varios clientes conectados.
Algunhas características notables de tmux son:
Menús para a selección interactiva de sesións, xanelas ou clientes en execución As xanelas poden estar vinculadas a un número arbitrario de sesións Modo de comando semellante a vi ou Emacs (con autocompletado) para xestionar tmux Soporte para división de xanelas en vertical e horizontal
tmux carece de soporte integrado para portos serie e telnet. Utiliza diferentes teclas de comando das que usa screen, polo que non é un substituto directo para screen, pero pódese configurar para usar combinacións de teclas compatibles.
Dispoñibilidade tmux está incluído no sistema base de OpenBSD, e está dispoñible como paquete para moitos outros sistemas operativos Unix-like.
Notas
Véxase tamén Outros artigos Twin (sistema de xanelas)
Categoría:Software libre Categoría:Soporte lóxico de UNIX Categoría:Soporte lóxico de macOS