A mancomunidade denominada Mancomunidade Lago de Seabra é unha agrupación voluntaria de concellos para a xestión en común de determinados servizos de competencia municipal, creada por varios concellos na provincia de Zamora, da comunidade autónoma de Castela e León, España.
Ten personalidade xurídica propia, ademais da consideración de entidade local. Engloba unha poboación de case 5.000 habitantes diseminados en diferentes núcleos de poboación da comarca de Seabra.
Concellos integrados
A mancomunidade Lago de Seabra está formada polos seguintes concellos:
Cobreros Galende Pedralba de la Pradería Requeixo de Seabra
Sede
Os seus órganos de goberno e administración teñen a súa sede na localidade de Requeixo de Seabra.
Fins
A mancomunidade, conforme aos seus estatutos sociais, ten recoñecidos os seguintes fins:
Recollida, transporte, vertedura e tratamento de residuos sólidos urbanos. Protección do medio ambiente. Protección da salubridade pública. Participación na xestión da atención primaria da saúde. Servizos sociais e de promoción e reinserción social. Ordenación, xestión, execución e disciplina urbanística. Pavimentación de vías públicas urbanas. Conservación de camiños rurais. Creación, mantemento e conservación de instalacións e redes de subministración, evacuación, cloración e tratamento de augas. Creación, mantemento e conservación de iluminación pública. Asistencia técnica, xurídica e administrativa. Recadación de recursos económicos. Fomento do turismo e creación das correspondentes infraestruturas. Fomento do sector agrícola, gandeiro e forestal. Promoción Fomento e desenvolvemento da cultura e deporte. Participación en Programas de Desenvolvemento Rural.
A iniciativa de calquera dos concellos mancomunados ou da Asemblea de Concelleiros da Mancomunidade, as competencias da mesma poderán estenderse a outros fins determinados dos comprendidos na lexislación de Réxime Local como competencia municipal, sempre que iso non supoña a asunción da totalidade das competencias dos concellos mancomunados, de conformidade co establecido no artigo 29.1 da Lei 1/1998, do 4 de xuño, de Réxime Local de Castela e León.
Estrutura orgánica
O goberno, administración e representación da Mancomunidade corresponde aos seguintes órganos: Asemblea de Concelleiros, Consello Directivo, Presidente e Vicepresidente.
Notas
Véxase tamén Outros artigos Provincia de Zamora
Ligazóns externas
Mancomunidades da web da Deputación de Zamora
Categoría:Mancomunidades da provincia de Zamora