miniatura|Free Beer («Cervexa libre») á venda por 500 ienes na Isummit 2008. Isto contradí a definición habitual e, no seu lugar, ilustra Free as in freedom(«Libre como en liberdade»): receita e etiqueta compartidas abertamente baixo CC BY-SA. Gratis (sen custo) e libre (sen restricións) son dous significados do adxectivo inglés free. A ambigüidade de free pode ser problemática cando a distinción é importante, a miúdo no contexto das leis relativas ao uso da información, os dereitos de autor e as patentes. Polo tanto, en inglés, os termos derivados do latín gratis e libre úsanse ás veces, no mesmo sentido que en galego, para distinguir estes dous significados.
Os termos gratis e libre poden empregarse para clasificar a propiedade intelectual como os programas informáticos, segundo as licenzas e restricións legais que os cobren, especialmente nas comunidades de software libre e código aberto, así como no movemento máis amplo da cultura libre. Por exemplo, úsanse para distinguir o freeware (software gratis) do software libre.
O defensor do software libre e fundador de GNU, Richard Stallman, defende o uso do lema: «Pensa en free (libre) como en liberdade de expresión, non en cervexa gratis». Isto basicamente significa: «Pensa en free como en libre, non gratis».
Notas
Véxase tamén Outros artigos Contido libre Movemento polo software de código aberto
Ligazóns externas
Categoría:Lingua inglesa Categoría:Software libre Categoría:Dereito informático