María Cristina Narbona Ruiz, nada en Madrid o 29 de xullo de 1951, é unha economista, profesora universitaria e política española que entre abril de 2004 e abril de 2008 foi Ministra de Medio Ambiente.
Biografía Viviu en Italia coa súa familia durante a ditadura franquista, licenciándose en Ciencias Económicas pola Universidade de Roma. Regresou a España en 1975, dedicándose á docencia na Universidade de Sevilla. Vinculada ó PSOE -aínda que non se afiliou ó mesmo ata 1993-, en 1982 foi nomeada Viceconselleira de Economía da Xunta de Andalucía no primeiro goberno autonómico. Nos sucesivos gobernos presididos por Felipe González ocupou postos de dirección no Banco Hipotecario, foi Directora Xeral da Vivenda do Ministerio de Obras Públicas en 1991 e Secretaria de Estado de Medio Ambiente e Vivenda en 1993.
Nas eleccións xerais de 1996 foi elixida Deputada ó Congreso pola provincia de Almería. En 1999 presentouse e foi elixida Concelleira polo PSOE no Concello de Madrid, ó tempo que se incorporou á Comisión Executiva Federal do PSOE da man de José Luis Rodríguez Zapatero. Elixida en 2004 de novo Deputada pola circunscrición de Madrid, a vitoria socialista nas eleccións xerais e o nomeamento de Rodríguez Zapatero como Presidente do Goberno permitíronlle ser nomeada Ministra de Medio Ambiente.
Á fronte do Ministerio propúxose como obxectivo o cumprimento por parte de España do Protocolo de Kyoto, suspendeu o proxecto do transvasamento de auga do río Ebro cara ó sueste peninsularO Congreso deroga o transvasamento do Ebro e ratifica o do Xúcar-Vinalopó, 22 de abril de 2005. a cambio de solucionar a escaseza de auga coa construción de desalgadoras e o aproveitamento dos recursos hídricos de cada territorio, modificou o transvasamento do río Xúcar ó VinalopóO custo da desalgación non recaerá sobre os agricultores , 9 de marzo de 2005. e impulsou un proxecto de ampliación do uso das enerxías renovablesCristina Narbona: "As enerxías renovables son o único futuro posible da Humanidade" , 23 de novembro de 2005. Foi partidaria do peche progresivo de todas as centrais nucleares existentes en España.
Notas
Véxase tamén
Ligazóns externas Biografía no Diario El Mundo. Biografía en todopolitica.com Entrevista na revista Fusión Entrevista no Diario El País Entrevista en Tele Madrid
Categoría:Ministros de España Categoría:Políticos do PSOE Categoría:Nados en Madrid Categoría:Alumnos da Universidade Sapienza de Roma Categoría:Deputados no Congreso dos Deputados (X Lexislatura) Categoría:Deputados no Congreso dos Deputados (IX Lexislatura) Categoría:Deputados no Congreso dos Deputados (VIII Lexislatura)