Daniel Sánchez Arévalo, nado en Madrid o 24 de xuño de 1970, é un guionista e director de cine español. É fillo do debuxante e ilustrador José Ramón Sánchez e da actriz Carmen Arévalo.
Traxectoria Comezou a súa traxectoria como guionista de televisión traballando en series como Hermanas, Ellas son así ou Abogados. Posteriormente dirixiu varias curtametraxes e seguiu participando en proxectos televisivos escribindo algúns capítulos para series como Hospital Central ou Lobos.
No ano 2006 rodou a súa primeira longametraxe, titulada AzulOscuroCasiNegro e protagonizada por Antonio de la Torre, Quim Gutiérrez e Marta Etura entre outros e que acadou un grande éxito, recibindo premios coma os Goyas á mellor dirección novel e ós mellores actores revelación e secundario.
Daniel Sánchez Arévalo escribiu dous libros de narrativa xuvenil, La maleta de Ignacio Karaoke e 31 de julio de 1993, do que saíu o guión de AzulOscuroCasiNegro. Foi finalista na 64ª edición do premio Planeta coa súa primeira novela para adultos, La isla de Alice.
En 2015, foi finalista do Premio Planeta.
Filmografía Como director ¡Gol! (2002) Exprés (2003) Profilaxis (2003) La Culpa del alpinista (2004) Física II (2004) AzulOscuroCasiNegro (2006) Traumalogía (2007) Gordos (2009) Primos (2011) La gran familia española (2013) Como guionista Querido maestro (1997) Hermanas (1998) Ellas son así (1999) Abogados (2001) ¡Gol! (2002) Hospital Central (2003) Exprés (2003) Profilaxis (2003) Gris (2003), de Álex Montoya e Raúl Navarro. Domingos (2003), de Vicente Pérez. La Culpa del alpinista (2004) Física II (2004) Lobos (2005) AzulOscuroCasiNegro (2006) Traumalogía (2007) Gordos (2009) Primos (2011) La gran familia española (2013)
Como produtor MAPA (2012), de Elías León Siminiani Digital (2005) Exprés (2003) Archipiélago (2003), de Elías León Siminiani Domingos (2003), de Vicente Pérez ¡Gol! (2002)
Galardóns e nomeamentos Premios Mestre Mateo Ano Categoría Filme Resultado2009Mellor directorGordosNomeado
Notas
Categoría:Directores de cinema de España Categoría:Nados en Madrid Categoría:Nados en 1970 Categoría:Escritores da Comunidade de Madrid Categoría:Escritores en lingua castelá